今日一早返黎就執上季落左貨既船頭辦出黎畀新老細睇~~
咁就整左成朝啦~~
以為佢只係想睇下我地做開d咩style啦~~
點知食完飯之後叫晒我地3個mer. 入去一齊開會~~
原來佢地係想傾下今季既collection....=.="
佢地想o係我地d衫到揀d出黎做今季collection~~~
collection關我地mer. 咩事喎???
你地自己睇咪得囉...做咩搵埋我地一齊開會喎~~無奈...=.="
入到去~~新老細負責揀衫~~connie同老細就負責畀意見~~
我地呢...只係負責陪坐.....
2點開到4點半....開到我地恰眼訓...但又好扮精神喎~~勁辛苦~~
仲慘過多野做....><"
開完會之後(其實未開完)因為新老細同connie趕住唔知去邊~~
跟住老細出左黎搵野~~我地乘機問佢野~~
問佢幾時走啦~點解唔做啦~同埋新老細既野~~
佢8月31日就會走lu~~><
問佢會唔會再返黎~~佢話可能啦~~可能2,3年之後再黎香港玩~~
佢話因為佢老啦~~係時候退休啦~~而佢個女又唔係做生意既人~~
所以就將間公司賣畀人啦~~佢仲會執埋carabel正式退休~~><
佢話呢個新老細其實係以前child呢個客黎架~~
後黎佢間公司執左...跟住一直都有搵mr.chavaillaz~
睇下佢有冇興趣同佢一齊攪生意~~~但chavaillaz拒絕左佢~因為佢忙緊~~
面呢個mr. 53a 一直都有同chavaillaz有聯絡~~
咁chavaillaz見依家係一個好時機...所以佢就賣左間公司畀佢啦~~
我地又問佢呢個53a係咪一個好老細....佢ea左一陣....
跟住就話~佢應該都會係一個好老細黎既~~
不過你地唔會再搵到一個好過我既老細架~~ha~
我都覺得你係最好架~~>w<就算我地英文唔好你都唔會嫌棄我地~~
工作上有出錯~~你都唔會遷怒於我地~~
仲有就係~你好似一個爺爺咁成日同我地講笑~同我地玩~~
雖然你有時係長氣左d~~但係你真一個好好既老細黎架~
對我地真係好好~~
我地永遠都會記得你架!!!
無你就無今日既我...好感激你呀~~>w<"
好想送d野畀佢做留念...送咩好呢~~
咁樣一別...我地會唔會成為永別架??唔想咁呀~~~