今日係平安夜...我過得非常之平安...
因為最後我決定唔出街, 留o係屋企過...同埋準備我d聖誕禮物~^^
可能隨住年齡既增長...(haha~呢句抄soso)
已經唔想再出去同d人無無聊聊咁迫一餐lu~haha~
今日捉左媽咪出去smartone幫我簽約買電話...
(因為登記人係佢...諗住順便轉埋名..點知要畀$100...=0=
算把啦...無交電話費呀, 有咩事搵佢得架啦~haha~^^..v)
終於換左部死人電話啦~~my dream mobile...SX633

但係有點兒畀人搵笨feel....
首先要簽18個月約再用$128或以上既3G plan先可以用$1940買呢部機...呢個ok~
點知要預繳$700...呢個都ok, 有慢慢得扣返~
仲要加多個30幾蚊既組合...有幾個畀我揀...玩game, 睇新聞, 睇mv, 鈴聲....
因為無野岩我...又迫住一定要揀...最後揀左個鈴聲既野...
有接駁鈴聲, 電話鈴聲(每個月可以download一首)同埋有個新歌推介...可以聽歌~
點解我會揀呢個??
因為佢同我講呢部機o係呢18個月裡面係畀smartone lock左...
無得自己入歌落去做鈴聲~只可以o係佢個smartone in個web到download先可以做鈴聲~
我check左啦~~佢個綱無"風之子"架~~!!!即係我呢18個月無得用aaron最新既歌做鈴聲啦~
佢最新既只係"愛情"果幾首..."避風港"都無呀~~唔制呀~~
不過為左得到呢部dream mobile...我就犠牲下, 忍佢18個月啦~嗚嗚...
而家用緊"愛情"做鈴聲~希望下個月轉既時候有d新歌啦~(我指aaron)haha~^^

今日無咩心情行街...好快咁買左d禮物預備聽日既gathering...^^
聽日幾個女仔出黎開解karrie~順便玩交換禮物~~
除左份交換禮物之外...我仲準備左d小禮物...人人有份~~haha~~^^
係咪好靚呢~~