由於今朝5點幾6點先訓既關係...今日訓到2點幾先起身~~
aunite帶埋隻狗狗過黎~~好得意呀佢~~而且好乖~~>w<


4點落去食我地既早, 午, 下午茶餐~ha~~
再返去做左陣阿四...同karrie一齊執野...
6點幾出apm...原本諗緊仲唱唔唱k好...有人唔去, 我心情唔好~
但最後都係去左唱~~發洩下...唱衰佢~哼~~>"<
先去機鋪搵返浩文...又打左陣機...又再同karrie決戰氣墊球~~
今日既成績唔錯~~~可能怒火中燒~~獅子上身~~ha~
8點開始我地既演唱會~~~
green box依家一口價$88 k-buffet...免nuts同果盤~~
簽卡仲有9 折...即係唔洗加一~~幾抵~~
不過個buffet無野好食既~~只係係左d沙律, 生果, 同一件仔蛋糕~~
佢個蛋糕係...0.5cm既蛋糕加4cm既cream cheese...好溜...>"<
佢得一款蛋糕~~可惡~~滿足唔到我呢個蛋糕怪~~
早知聽karrie講~o係樓下italian tomato買件蛋糕上黎啦~
3條友仔由8點唱到3點半~~7個半鐘~~ha~>w<
乜都畀我地唱晒~~今日唱左好多aaron既歌~~
估唔到我連風之子d低音位都唱到...可能唱到開左把聲啦~~^^
跟住又用我把好可愛既聲唱左para para sakura同春田花花幼稚園校歌~
ha~好耐無用呢把聲唱歌啦~~唔係karrie叫, 我都唔記得~ha~>w<
唱到無野好唱~~又唱左好多兒歌~~連粵曲都唔放過...
一齊唱帝女花~~hahaha~超高音~~笑死左~
其實無諗過會唱到咁夜架~~玩到好high...當知道要返屋企既時候已經12點, 無車返屋企...=.="
既然無車走~咁就繼續唱...佢又唔cut我地喎~~唱到無氣我地自動埋單走~~
3條友一齊搭的士返karrie到....洗完面我同karrie又敷忌廉面膜~~

 
仲諗住扮鬼嚇浩文...點知畀佢發現左我地...跟住又同佢敷埋一份~ha~~>w<
sakura美容院正式開張~~費用全免~~haha~~>w< (不過只招待好友~)
之後攪攪下又5點幾先訓......