9月17日~

今日係5日旅程既最後一日lu~~好唔捨得…/_\
今日7點半先morning call…8點半開車~~
Philip因為今日又有另一個新團要帶~~
所以琴晚交帶晒d野畀阿傑同阿Tim…同我地say定good bye~~
琴晚我地d團友同佢玩到癲左~~
話Philip係賣國賊, 國家既走狗…因為佢身為中國人但又住o係泰國~~
後黎佢唔夠我地講~拆開話題~~haha~笑死我地~~^^
Philip真係幾好架~~講左好多泰國既野畀我地知~~
唯一唔好既咪就係無咩時間畀我地o係車訓覺囉~~因為佢係咁講講講....^^
對上一次果個都無講得咁details~~好似只係講行程有關既野…=.=”
好多野我未聽過, 好新奇~~好開心~~^^
佢連街上既燈柱點解要整成4方形都講畀我地知~~
因為泰國好多蛇~~係總人口既3倍…=0=” 蛇多過人....
d人驚d蛇會爬上燈柱~~所以整成4方形等佢地卷唔到上去~~^^
Philip話佢成日都黎香港架~~成日都行先達買電話~~
唔知會唔會有日行行下街遇到佢呢~~^^
佢仲出過本書~~教人玩泰國~~我會去買返本~~hee~~^^
今日食完早餐只有一個地方去~~就係夢幻樂園~~
去到無咩人~~應該係岩岩開門~~講晒一陣lunch既地方之後就自由活動啦~~
我地先去行飄雪樂園~~^^好凍呀~~^﹏^但都無雪飄既~~=.=”
我地玩雪兜”sir”滑梯~~好好玩呀~~hoho ”sir”唔到落黎要用手郁~~haha~好攪笑~^^
今日係咁狂影相~~^^
玩完雪之後我地去玩go car車~~要畀$100~~玩15分鐘~~ok抵~~^^
第一次揸車~~開頭都驚驚地~~~真係幾快~~不過我都handle到~~^^
hoho揸得好鬼快~~兜多我2-3個圈~~佢仲o係到玩飄移…=0=”
玩完覺得揸車其實都唔係好驚~~幾好玩~~
我諗月尾學車唔會咁驚~~^^
之後去揸老爺車~~好鬼慢...=.="不過幾得意~~^^
跟住我地就影相啦~~
先去大人國~~d野全部都好巨型~~好得意~~^^
跟住去同d骨頭影相~~好好笑~~^w^
再去情侶花園影相~~咁岩見到對姐妹~佢地好好人咁幫我地影相~~
仲要係影完呢邊行去果邊影~~好似影結婚相咁~~ha~~^^"
話咁快又到lunch time啦~~唔知點解唔肚餓~~食左好小野就唔想再食~~
跟住趁仲有小小時間行埋佢~~
好快就夠鐘lu~~跟住坐車去機場lu~~
我要去攪退稅~~check in前要去一間房登記~~跟住check in後再去一個counter囉$$~~
因為塞車~~d時間好趕~~所有人都上晒機~只得返我, hoho同晴天pigpig~~
d泰國人做野真係好鬼慢~~終於...我地係最後上機既人~~=.="
2點9起飛lu~~又係坐中間位~~來回都坐唔到窗口位~~><"
返到香港等埋行李已經7點半lu~~
旅程正式完畢!!!好唔捨得d團友呀~~仲有可愛既阿傑~~>w<

跟住返hoho屋企先~~放底佢d野再返我屋企~~
11點幾~所有人都仲未訓等我返黎~~感動的~><

~9月15日~

今日又係7點morning call,8點開車~~
我地今日出去珊瑚島呀~~^^先去玩降落傘既地方~~我都仲係唔夠膽玩~~=.="
坐左一陣…等d人玩完我地又出發啦~~
半個鐘之後就到左珊瑚島啦~~分locker, 換泳衣, 跟住就有差唔多3個鐘既時間玩啦~~
我地先去游水~~因為我唔識游水~~hoho租左個大水泡畀我~~^^
有左個水泡…我無咁怕水~~仲游到出去好深~~玩玩下倦啦~跟住坐上個水泡上面飄~haha~好好玩~~^^
玩左一陣~跟住我地去影相~~之後就行街~~^^
有好多精品賣~~^^上次我都無行過…=.="
買左d手信, 買左d好似睡衣既裙畀媽咪佢地~~都買左一條泰國feel既畀自己~~^^
跟住hoho整紋身~~畫左3個幾字~~都幾靚~~^^2個星期就會甩架啦~~佢話~
跟住1點食飯lu~呢到有好多貓仔呀~~^^不過佢地都幾瘦下~~
之後坐返架船船出去市中心~~
先返酒店沖涼同埋休息~~4點幾再出發去蜂蜜園~~我地又買左2樽蜜糖~~^^
跟住就去揼骨~~我地揀左草藥按摩+揼骨~~
先揼左一陣骨…跟住一直都無野~我地以為d人唔記得我地係要草藥~~
同d人講又聽唔明~~後黎叫埋Philip過黎同d人話~~先知原來要揼一陣, 等d骨鬆d再按摩~~
草藥按摩都幾舒服~~^^最後佢同我"咬"腰~~聽到連續既啪啪聲~~
嚇到我同hoho O晒咀…=0="  好彩我d骨無斷到姐~~^^"
揼完骨之後我地就去食dinner lu~~
d餸同琴晚酒店食果d差唔多一樣既~~=.="又有條樣衰魚…=.="
食完飯之後我地就去睇"大開眼界"同魔術表演~~
"大開眼界"係d加入幻象既野~~好似得個人頭o係枱面啦~~
有個人會慢慢咁消失啦~~有個條腰得支竹咁幼既人啦~等等既好多得意野~~
而個魔術表演就唔係咁精彩啦~~因為見到好多破綻既~~=.="
跟住就去行Mike…我地o係到買左成萬幾蚊泰幣~~=0=嚇親其他人~~haha~
買左5條Levis…3個wacoal…咁就萬幾銀啦~~
人生第一次碌卡碌得咁豪~~不過好彩只係泰幣咋~~唔係都幾肉痛~~
因為佢畀得一個鐘我地shopping…跟本唔夠行~~之後我地唔跟車返酒店~~自己走~~
跟住去攪埋退稅手續…有7%退返架~~都有差唔多成$800泰幣~~
我地又o係出面買左芒果燸米飯返酒店食~~^^..v
原本我地想行返酒店架~~佢地話向右一路直行就會到~~
我地行左應該有2/3既路程…點知前面又水浸…=.="
我地費事行~因為Philip講過水浸盡量唔好行街~因為驚d電線斷左跌落水~
如果行過呢d水就實死無生~~~
最後我地搭的士返去~~芭堤雅d的士唔係曼谷果d好靚果d黎架~><
佢個樣似d迷你貨車~~後面車頂用凡布既物體蓋住~~我地就係坐後面~~
只係3-4分鐘既路程就到啦~~咁就$80蚊啦~~好唔抵~~><"
不過算啦~~可以試下坐呢d咁攪笑既的士~~

~9月14日~
今日7點morning call~~7點半早餐~~8點開車~~
首先去毒蛇研究中心~~
原來呢個世界真係有d胎生既蛇架~~haha~~~^^
其實我地呢個團原本有好多free既時間架~~
後黎Philip plan左d 活動出黎畀我地去參加~~
我同hoho參加晒佢所有活動~~畀多$3000泰幣就有多5個地方玩~~
我地覺得出得黎玩更係要玩得豪d~盡d~~所以就有咁既決定~~^^
同埋有好多野我地係未睇過~未玩過~~唔想錯過或者後悔~~^^
跟住我地去馬騮學堂睇馬騮表演~~
Philip話有4大天皇~~但今日只係見到劉德華, 黎明同張學友~~
無aaron呀~~^^aaron唔係馬騮~~hee~~開心~~
d馬騮好得意呀~~佢地好叻呀~~~^^勁!!!
我仲同劉德華影相添呀~~karrie~~hee~~~^^..v

佢好攪笑~~影影下攪我隻耳環~~咁細粒都畀佢發現到~~haha~~~^^"
睇完馬騮出返去睇大象~~仲有老虎bb~~
我地同隻老虎bb影相~~~
佢隻衰野~~人地個個抱佢都無野~~我一抱佢就鈕計~~=.="
最後出到餵奶呢招佢先肯乖乖地同我影相~~~=.="

跟住就去食魚翅燕窩宴~~之後就搭車入芭堤雅啦~~
因為琴晚呢到落勁大雨~~攪到水浸~~原本想返酒店放底d野先~~
但去酒店條路封左~~跟住我地就去吊鱷魚~~我地坐馬車入去鱷魚潭呀~~^^
好好玩呀~~睇住d鱷魚有得睇無得食個樣好攪笑~~haha~~^^

d鱷魚好叻架~~佢地可以唔郁~~連呼吸都唔洗郁架~~
仲成日呀大個口唔郁~~唔知以為佢地係假架野~~haha~~~
跟住出返黎去餵大象食野~~
佢地好得意架~~用個鼻卷d野食放入口~~隻蕉佢地成隻連皮食架~~=0=

跟住返酒店放或d野啦~~
Camelot Hotel~~呢間酒店勁靚呀~~又大~~大到簡直可以o係間房到跑~~^^
好似座城堡咁架~~^^仲有泳池~~開心~~^^
  
 
o係酒店食完dinner~我地就出去睇真人show + model show啦~~
咁大個女第一次睇呢d野~~一d都唔咸濕~~只係見識~~
睇到泰國係有4性人~~有男, 女, 全人妖, 半人妖~~
我以前唔知有半人妖呢家野~~
原來人妖唔一定整晒架~~可以淨係整上身~~下身仲保留係男性~~
跟住去睇model show~~睇睇下好悶...=.="
之後9點幾返酒店lu~~跟住我同hoho出左去行街~~
我地買左d唔同顏色既益力多~~
有士多啤梨味~提子味~橙味........又幾好味架喎~~^^

返到黎酒店~~阿傑同我地訂既芒果燸米飯到左~~
我地既宵夜~~好好味呀~~~^^好滿足~~haha~~~^^

終於上黎寫返我d日記啦~~^^仲好似未回魂…@.@
心情down down 地…><”好唔開心~~唔想返工~~/_\
講返呢5日旅程既野先~~

~9月13日~
今日6點半就起身啦~~不過”典”左一陣先肯起身~~
7點3落去搭車~~跟住8點9到左機場lu~~
搵左領隊報到~~佢叫阿Tim, 程天…我地叫佢做晴天pigpig~~haha~^^..v
10點9再返黎集合~~我地去左m記食早餐~~~^^
之後11點幾入去lu~~跟住差唔多11點半登機~~
因為落好大雨~~機場發出左紅色雷雨警告~~
我地班機delay左一個鐘先起飛~~~
過到去已經係當地時間3點幾lu~~(香港4點幾)
過到黎泰國...o係飛機上面望出去~落緊毛雨~~
記得上一次黎泰國又係落毛雨...=.="我同泰國d雨咁有緣既~~
之後落機出到去又無落雨lu~~開心~~^^
我地既導遊叫Philip~~仲有個助手叫阿傑~~
Philip係半個中國人~~而阿傑就係泰國人~~
佢講廣東話唔正~~~好得意~好好笑~~~^^
我地個團有31人~~4對情侶, 2對夫婦, 一對姐妹, 一對朋友仔(女),
一個家庭(媽媽, 爸爸, 女), 一對母女, 一對母子, 5個師奶, 3個阿叔~
到依家我都記得佢地d樣~~~^^
首先我地去行Big C....無咩收穫...=.="
只係買左D野食同水...仲有hoho買左一隻錶~~幾靚~~^^
之後去拜四面佛~~~
跟住就去食dinner lu~~
去食buffet魚蛋打邊爐~~
幾驚連續幾日都會食魚蛋~~(L之前去泰國,佢話餐餐都有魚蛋食~)ha~^^
好彩之後都無魚蛋食~haha~~^^..v
跟住8點去睇人妖show~~唔同之前睇果d喎~~有新野~~haha~~
以前d人妖完show之後出去出面同人影相架~~今日佢地只係企係個hall入口地下果層~~
同埋而家同佢地影相貴左~~~所以我地無再同佢地影相~~
之後9點幾返酒店lu~~呢間酒店好樣衰呀~~><"又細喎~~
d水開到最大都仲係好細...=.="

**今日先發現曼谷d的士係5顏6色架~~
有粉紅色, 粉藍色, 藍紅色, 橙色, 黃色, 金色, 青色, 紫色.......
有d仲裝埋尾翼~~又有包圍~~~勁靚呀~~仲靚過我地揸果d車~~
勁鍾意架粉紅色呀~~*w*有冇得買呀唔該??haha~~^^