今個母親節...我要攪攪新意思~~hee~~^^已經同靚媽單聲左~
每年既母親節...d"母親"都無得休息下~~
次次都係佢地整一餐豐富既晚餐出黎~~
我諗過今年不如成家去食buffet架~~但仲有其他2家人......
咁龐大既開支...我暫時仲未負擔得起.....
同埋...呢d大時大節好難訂位~~而且又貴過平時......
簡直係自己中個頭落去畀人呃$$.....haha~
所以我決定o係屋企攪個大食會...haha~~~^^...v
d野食當然係我負責整啦~~~(不過佢地一定會入黎攪攪震...=.="尤其係嘛嘛)
我已經諗好個餐單啦...岩岩~~~^^...v
已經叫左老公幫我訂蛋糕~~~thx ar baby~~>w<
首先有Pie & Tart既蛋糕2個~~
分別係<甜心媽媽>~燕窩栗子芒果忌廉蛋糕, 同埋<心袛有你>~檸檬芝士蛋白蛋糕~
蛋白蛋糕咁特別所以想試下佢~~ha~~^^唔知好唔好味架呢~
跟住有茄汁長通粉~黑椒意粉(呢個要媽咪幫幫手~ha)~沙律~燒雞翼~煎豬扒~pineapple sausage.....
haha~~諗住咁多先~~

我決定左自己去老行家買燕窩...做埋vip~~
聽日就去買定送左畀靚媽先~~
因為後日好多野攪...同埋好多人....=.="
後日要去觀塘買brikenstock...跟住去沙田囉蛋糕...再返黎整野食...@.@
好忙添~~~>w<唔知攪唔攪得掂呢~~a_a

老公今日又同皇兄去打機....激死我...><"
日打夜打..唔悶架咩你地???變態的

越來越鍾意柔和版既"唱下去"添~~>w<
尤其係aaron講野果到~~把聲好好聽~~好lum呀~>w<

今日睇報紙~~見到唔知"咩咩士多啤梨"呢個標題~~
即刻入左去睇睇~~haha~~^^原來介紹日本既任擇任食士多啤梨園~~
只需1200yen就可以任擇任食~~超吸引呀~~~ 好想即刻飛去日本呀~~
記得2,3年前我好想同老公去中山果d有任擇任食士多啤梨既團架~~
我仲囉過份章程係有架~~~我地諗住成大班人一齊去添架~
但點知去報團果陣佢話呢個已經無左....=.="
好唔開心...><"
唔知幾時先可以實現我呢個任擇任食士多啤梨既夢想呢~~a_a


我幾時先有機會踏足呢片園地呢~~~>w<

後日又要同客會開啦~~但我d辦仲未齊~~
connie話好驚~~得返聽日驚我收唔晒d辦~~到時唔知點同個客開會....
佢仲講笑話~如果我收唔晒d辦記得早d同佢講聲~~佢後日就請假唔返~~要我自己見客喎...=.="
haha~~~我知佢唔會咁忍心掉底我一個既~~^^

今日要返工...鳴鳴...好唔開心....><"好彩無咩做~~
死人百昇今日真係無辦畀karen呀~~可惡~~~><"攪到我地無得去bbq~~><"
聽日先有喎~~佢地究竟知唔知聽日係星期日呢架???
聽日karen要返黎寄辦~~好慘呀~~
soso同sukie今日面黑暗罵大家....
咩事呢~~早2日已經覺得有d野咁啦~~
佢2個可以成日唔同對方講野~~平時佢地係公司最嘈果2個黎架嘛~
邊有可能唔講野架??但前2日佢地係無講過野咁濟~~
唔知發生咩事呢~~佢地會唔會好返架??
會唔會好似我同karen之前咁架??咁樣好唔開心架~~><
星期5我地仲會唔會成班一齊食飯架??
唔好咁啦~~唔想見到你地咁呀~~><
有咩事大家3口6面講清楚囉~我同karen之前就係無坐底傾所以攪成咁~~><"
唉~~~~

放工約左老公去食米線....我到左先~咁我囉位啦~~
打畀老公~~佢話~"我地唔食野喎~淨係飲野~得你食咋~"
我即刻好大反應話~"下~~~????咩叫我地呀?仲有邊個呀?"
佢話細佬囉~~哦~~嚇死我咩~~
我已經患上左皇兄恐懼症啦~~唔好嚇我呀~~
食完野行左陣~~佢地去好景買ps2既game~~我又睇鞋~ha~~
今日我屎忽痕著左對3寸高踭鞋~~行到我腳都斷...><"
今晚諗住同老公去佢嘛嘛果邊食飯~~so...我想買過對鞋黎換左佢~
o係家樂見到對貓貓鞋賣$299...聯合唔知幾$$~我想睇埋先~~^^
路過新之城~~佢都有~不過賣$359....=o=
跟住去左聯合...佢賣$269呀~~~即刻買左~~~ha~~~^^...v
買完之後見到皇兄同皇嫂....=.="仲驚過見鬼~~haha~~^^"
最後我決定唔同老公佢地去食飯~~我返屋企~~~
因為我真係再行唔到啦~~隻腳好鬼死痛~~T.T

去到好景我諗返起呢到個sale~~haha~~笑鬼死我~~
話說有日我又同老公黎呢到睇野~~
咁見到個鬼佬問個15,16歲既o靚仔sale野~~
個鬼佬同佢講左d野~~個o靚仔唔知佢講咩~~
跟住個鬼佬畀左張紙個o靚仔睇~~個o靚仔就話~~"哦~~18樓"
無錯~~佢用廣東話同個鬼佬講"18樓.....18.....18...."
個鬼佬用好無奈既眼神望住佢~~跟住佢就話~"ten eight"
個鬼佬問~"ten"...個o靚仔竟然好自豪咁話~"yes~"
haha~~~笑鬼死我....有冇讀過書架??18既英文都唔識~~
幼稚園都識啦~~真係失禮晒我地香港人呀~~

今日check e-mail~~收到大新銀行既mail~~
佢話我張kitty卡已經批左啦~~好快我就會收到張卡~~~
heee~~~~^^好開心呀~~~~^^...v

原本聽日公司去小欖bbq架~~
但係琴日突然話cancel.... 好唔開心~~><"
因為karen要寄辦...但死人百昇都唔知會唔會有辦囉黎~~
無辦又要返工點算?????死百昇~~勁討厭!!!
原本個個都好興奮架嘛~~咁樣一攪就無得去啦~~><
依~~~~人地好想bbq呀~~~><"
zoe話不如我地o係msn到寫話罷工啦~~(因為connie有我地msn~佢一定會見到~)
ha~傻婆~~^^

今日放假...lunch我整長通粉食~~^^
無我想像中咁好食~~不過第一次整都算ok架啦~~haha~~^^"
食食下~皇兄打黎~問我地一陣去邊...跟住話join埋一齊行街喎~~
咁我地就等佢啦~~(已經叫左佢快d出門口架啦~)
等到4點...佢個死仔都仲未肯出黎....=.="
我一怒之下同老公講~我唔等佢啦~~我地自己行啦~~
同親佢去街都無好野架~~我決定以後都唔同佢去街~~哼~><
我地去左旺角it睇brikenstock...白色得返36號...=.="
35先岩我...但個sales係咁話其實都唔係大好多姐~都ok架~大小小好著d架........
但係我唔只係大"小小"呀~~差唔多一隻手指位呀~~你係咪盲架???...=.="
我問佢其他shop有冇...佢check完話新港"可能"有...=.="
佢好似唔想我過去咁...話就算果到有都可能畀人keep左....=.="
跟住我地都係過左去~~果到係有...不過得返一對...仲要係display既....=.="
我諗左一陣決定唔要~~因為佢display果隻起左毛粒~~
落到下面見到有專門店....入去問...佢話白色賣晒~要6月先有貨~~><"
其實粉紅色都好靚架~~不過白色易襯d同埋今年興白色~~haha~~~^^
最後....我都係買唔到野~~而老公就買到頂nike cap帽~~
幾特別~~幾型架~~應該唔會周街同人撞款~~唔記得影佢相post上黎添~~>w<

今日都唔係好忙~~只係臨尾要寄布片畀客~~6點9走人~~^^
老公一早就到左樓下等我~~都叫左佢唔好咁早出黎架啦~~
我地行去重慶商場果到~~(對貓貓鞋間野o係果到~)
n年都唔會過黎呢到~因為記得呢到有好多阿叉.....
估唔到而家唔同左~~雖然都仲係有好多阿叉.....但係就多左個商場~~
呢個商場都幾in架~~不過未租晒出去~仲有好多吉鋪~~
而間貓貓就係o係呢個新既商場到啦~~~^^
佢賣$298呀~~>﹏<個綱又話$268既~~
睇左一陣....我決定唔買住...去埋聯合睇下幾$$先~~hee~~
我決定買brikenstock先~~haha~~~^^....v
正當我想去運動家睇brikenstock既時候...老公話不如唔好返屋企食囉~~
咁食咩呀??佢:去食buffet丫~~~
咁我就打去君怡問佢個buffet幾點開始~~跟住我地就過去啦~~ha~
勁多人...好彩仲有一張2人位姐~~下次要book定位先得啦~~
一坐底...第一round黎碟三文魚先~~heeheeheehee~~~~
今晚d三文魚好新鮮好好味呀~~^^原來夜晚會有吞拿魚架~~
 

仲有長腳蟹...佢隻腳真係幾長架喎~~42寸長美腿~
隻普通蟹既腳只係佢既1/4....haha~~~
咁大個女第一次食42寸長美腿~真係要講返句~~好鮮甜呀~>w<
食完要再encore多次~~haha~~


跟住我又食左好多甜品...上面既士多啤梨~~haha~~~^^...v
$258/位...我仲有vip 7折...抵呀~~~^^

今日買唔到brikenstock....聽日再出過黎睇~~~^^