| «‹ July 2025 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | 31 | |
|
2006 年 1 月 12 日 星期四  |
| 新日記 |
分類: 未分類 |
由於之前個日記板成日send e-mail畀我叫我交錢....
但係佢又話果個係免費日記.....
都唔知佢邊句真邊句假~~
唔知佢會唔會唔聲唔聲咁cut鬼左我個日記....
今日收到個mail話我個日記試用期仲有10日....
幾個月前都收過...但係果時佢無cut我.....但今次唔知佢會唔會cut......
為左安全起見...今日我已經o係呢個綱開左個新既日記啦~~
岩岩裝修完佢...但仍然覺得唔夠完美......
我會繼續研究佢架啦~~
同埋呢幾日我就會將呢到既日記搬去果邊~
唔知可唔可以搬得晒~~但...搬得幾多就幾多啦~~
至起碼我能夠將06年既野搬晒過去~~
就算係我06年既新開始啦~~
|
| 2006 年 1 月 11 日 星期三 |
擔心  |
分類: 未分類 |
|
無意間o係某某既日記睇到一段野....
到底點先算係愛上一個人: 肯為佢做任何事，就算平時自己最憎做既事都會去做
今日我叫你食橙...你點都唔肯食~食左好似會死咁...>︿<"
叫你食野好似仲慘過去行刑咁......><"
最後要我發嬲你先肯食3"介"咁大把.......=.="
哼~~你咁樣係愛我咩???
叫你食生果為咩姐~??只係想你健康d~~少d病痛......
你平時o係屋企既飲食習慣我阻止唔到你~~
如今你過黎我到~~我就要畀d健康d既野食你食~
將你食其他唔健康野既機會減至最小~
最近你既腳痛好似嚴重左好多....(因為你話連我畀你既止痛藥都已經唔見效啦)
跟住你仲話可能要做手術.....我好驚好擔心呀~~>﹏<
我好似咩都做唔到~~咩都幫唔到你~~
只可以無奈地睇住你辛苦既樣.......>﹏< |
|
|
 |
| 2006 年 1 月 10 日 星期二 |
唉~  |
分類: 未分類 |
今日心情down down地.....>︵<
唔知點講.....好似有好多野要擔心咁.......
好擔心我地既將來.....
究竟仲可唔可以照我既計劃去進行呢~???
定係...一開始我就諗得太完美呢~??? |
| 2006 年 1 月 9 日 星期一 |
做咩d簽名會咁頻密既~~佢唔係好忙架咩~??  |
分類: 未分類 |
|
致各會員:
上年Aaron將他的04及05年演唱會剪輯成一二部曲演唱會DVD, 但由於版權問題,
當時未能將 “無忌” 收錄在演唱會DVD內. 經過唱片公司努力後, 我們終於取得
“無忌” 的版權, 而 “無忌版演唱會05” DVD亦會於本星期內推出,
請大家密切留意!!!
而Aaron亦希望藉推出 “無忌” 版演唱會,
趁此機會跟歌迷於農曆新年前跟大家見面! Aaron 會於1月21日(星期六) 在銅鑼灣皇室堡HMV舉行簽名會,
大家只需在任何一間HMV購買 Aaron的最新EP “Thematic” 或 “無忌版演唱會05” DVD,
即可獲得簽名証, 屆時帶同EP 或 全新 “無忌版演唱會05” DVD到場,
便可獲Aaron親筆簽名!!!
大家請留意!!! 必須要在任可一間HMV購買EP “Thematic” 或
“無忌版演唱會05”DVD才會有簽名証!!!
簽名會資料如下:
日期：2006年1月21日 (星期六)
時間：下午3時正
地點：銅鑼灣皇室堡HMV
換領簽名証方法： 在任可一間HMV購買EP “Thematic” 或
“無忌版演唱會05”DVD.
*******請注意！******
現在尚未開始派發簽名証的, 故大家要密切留意我們的公佈才去HMV呀!!!
名額有限, 換完即止!!!
AKIFC
又有簽名會啦~~點解呢陫佢d簽名會攪得咁頻密既~~??
今次仲要o係hmv攪...仲要指定o係hmv買碟先有張簽名証.....
hmv d碟貴過1面架喎~~~真係可惡~~>"<
不過我諗都唔會over $150掛~~
市面上單隻04 or 05都係賣$60幾姐~(我見過既~)
haha~~~真係畀grace講中左佢會再出多隻~~
果陣佢話到時果隻會叫~~"絕對終極保證完全足本特別精裝豪華珍藏版"
haha~~~呢個名好正~~夠晒長氣~~
跟住佢仲要話呢個係限量版~~~賣極都有既<限量版>....hahaha~~~^w^笑死~ |
|
| |
| 2006 年 1 月 8 日 星期日 |
美味既湯圓~  |
分類: 未分類 |
今日原本去探細佬架~~
但係我唔知醒~~老公又太好人畀我訓到12點幾~~
跟住爺爺又發脾四話我唔整lunch畀佢食~~~
咁我唯有煮d野塞住佢把口囉~~~
煮煮下~~咁就2點啦~~
老公話~而家過去都趕唔切架啦~~
跟住佢打畀細佬同佢講我地黎唔到~~
細佬好大方咁話是旦啦~~
畀著係細妹~~佢一定會發晒脾四~~跟住反晒面~~
有時覺得細佬真係幾乖~幾織諗架~~
仲諗住探完佢落去灣仔同老公high tea~~點知無得去.../.\
天氣勁凍~~我地又懶出街~~
就係咁我地就無無聊聊渡過左一日啦~~~>w<
下午茶我煮左湯圓食~~~好耐無食過利川湯圓啦~~好好味呀~~>w<
今晚打邊爐....唔知點解唔係好想食野~~
唔知係打厭左定係食左湯圓飽飽地呢~~~
食完飯媽咪整蛋糕~~
佢懶醒咁用電飯煲焗蛋糕~~點知燶左...=.="hahaha~~~
嘥晒d心機~~我好想再整曲奇架~~
但係又驚再次失敗~~=.="
今日karrie打畀我同我講.....
佢已經學識左踏單車啦~~~好野~~^^
好勁喎~~一個星期就學識左~~
但係佢好攪笑~~學既過程無跌親過~~
到識踏既時候先無啦啦跌親...=.="仲整損左....
今日天氣咁凍~整親一定會好痛架~~~=﹏="
好野~~~我地以後唔洗成日約去唱k啦~~
我地多左個活動可能攪啦~~~^^...v
好祈待新年既踏單車之旅呀~~~^w^ |
| 2006 年 1 月 7 日 星期六 |
| 吉之島掃貨日~ |
分類: 未分類 |
一早出左三和先~~因為要過去print Cache Cache既bar code sticker~
11點幾返到公司~~^^
琴晚同sukie講~我去完三和先返黎~
佢話~"我諗你返黎我見唔到你架啦~因為我已經放左工~~haha~"
....=.="佢地班野丫~我上星期6放8點姐~今日絕對唔會架~>"<
點知..返到黎睇下d sticker先見到...d野印左o係底....=.="
唉~~又要過去再print過~~~>"<
跟住以9秒9既速度pack好d辦寄畀客~~
12點9飛的出去~~~
hee~~由於熟左部機~~好快我就print好晒啦~
1點半我就走啦~~heeheehee~~^^...v
打畀老公問佢點...佢話過去佢到先啦~
原本話要去探細佬~跟住又話聽日先啦~~
去到佢屋企樓下~~買左我心愛既蛋治上去~~^w^呢個就係我既lunch啦~~
"hea"到3點幾我地出去吉之島啦~~^^我要去掃貨~haha~~^^..v
同老公一人買左一件衫~再買埋條褲畀daddy~
跟住去supermarket掃貨~~^^
買左盒士多啤梨~買左一大盒壽司~~^^好味呀~~>w<
買左噴噴保充劑 x 2
跟住唔知買咩~買下買下~咁就$300幾啦~~@.@
6點幾返到屋企~~第一件事~~開餐~haha~~~~^^
今日好凍凍呀~~>﹏<點解唔打邊爐架~~?_? |
| 2006 年 1 月 6 日 星期五 |
整斷左隻指甲...=.="  |
分類: 未分類 |
lunch無出去食~~因為我唔想聽日又無得準時放~~用埋lunch time做野~
原本諗住唔食野架~~但因為要過三和print sticket~
so~永其囉左個杯面黎食~~
點知我o係咁等廠畀packing我~等到4點幾~
人地放5點半準時架嘛~~過到去麵5點幾啦~
connie唔想我攪到人無得準時放~~所以我話不如聽日先過去啦~~
今日有辨到~聽日要寄畀客~~
我打好晒d invoice~準備好晒d野~聽日要好順利咁放工~~^^
當整辨既時候~唔小心整斷左隻指甲~~嗚嗚~><"
斷到上肉~好彩只係片左面果層~無整痴住肉果d~好彩唔痛~又無流血姐~~
我仲要整斷左都唔知~~到我囉野果陣先feel到有d野~
一睇仲以為痴左d咩o係到~點知係指甲~嚇鬼死我~
咁大個女都未試過斷指甲架~~仲要咁大塊~
係咪會發生d咩事架~~?_?
|
| 2006 年 1 月 5 日 星期四 |
| 腐竹蛋糖水 |
分類: 未分類 |
aunite既腐竹蛋糖水同埋咸蛋蒸肉餅引誘左我過去食飯~haha~~^^"
當我打返屋企講唔返去食飯既時候~
嘛嘛就係咁話我~話我唔一早打黎~煮好晒先話唔食.........=.="
咩喎~~我食同唔食麵唔會影響你架~
我食貓飯咁多~你地都話~食左等於無食~~~=.="
"隔離飯香"呢句野真係講得無錯~~
每次去食auntie煮既飯都覺得特別好味~~
每次都會食得多過屋企食既份量~~haha~~~^^
更何況屋企有幾可會整咸蛋蒸肉餅呢.....=.="
至於呢個腐竹蛋糖水~叫左媽咪整十世都未有...=.="
有時真係好想入去廚房跟auntie學整餸架~~
但係我雞手鴨腳咁~唔知會唔會激親aunite~~hahaha~>w<
今晚餐飯好美味呀~~~~^^ |
| 2006 年 1 月 4 日 星期三 |
法庭可以有咁多無聊案審既~  |
分類: 未分類 |
|
今日請病假陪老公上庭~因為超速駕駛~~=.="
嚴格呢講~今次呢單野唔關佢事~
係阿柏借左佢架車去揸~係佢闖既禍~~
但係~唔知點解老公會咁好人幫佢認囉....激死~><"
9點去到粉嶺法院~~一路聽審~~
審埋晒d好無聊既野~阻街, 九鐵上飲野, 行人路上踏單車~~
我覺得d人好白痴~咁就畀人罰款~~阻住晒我d時間~~=.="
其間有個人又係超速~佢要罰$1500同埋停牌半年~~
嚇到我好鬼驚~~>w<心諗應該就到老公啦~
點知等到11點幾先到佢~~=.="
開始心跳加速~~個官好串囉~~
因為老公簽左封認罪書黎~寫係初犯.....
但係其實佢之前已經有一次記錄....=.="咁無記性架你~
跟住個官話~"你唔係初犯又寫初犯黎擾亂我?
囉牌年幾就有2次超速~我諗你好快又會見到我架啦~
下一次你見到我就會係停牌架啦~~"
......=.="嘩~~洗唔洗咁串呀??我係咪可以告你恐嚇呢??
跟住只係罰$600~~~好彩姐~~^^
其間隔離個人個肚係咁打鼓~~我好想笑~~但係唔可以出聲~>w<
走果陣~老公話~~"你頭先係咁打鼓呀?"
我話唔係我黎架~~係隔離果個男人黎架~~
之後我地去食m記~我好耐無食啦~~呢間d薯條好好味呀~~
我地食晒d薯條~~攪到我食唔晒個包~haha~~~^^
之後返老公屋企訓覺~~原本係o係到食埋飯先走架~~
但係唔知我做咩~6點幾就想走~~諗住自己返去唔洗老公陪~
點知佢唔知係唔捨得我定唔放心~~陪埋我一齊返去~
之後我地畀auntie鬧話唔o係到係飯~~~=.=" |
|
| |
| 2006 年 1 月 3 日 星期二 |
| heehee~~~今日有好多野收呀~~^^ |
分類: 未分類 |
|
今日grace幫我去左fans club囉左隻"thematic" cd啦~~
佢5點半去到~~仲諗住我放工行去隧道口等佢囉~~
點知佢黎到我都未走得...=.="
跟住要佢過黎公司搵我~~
好彩佢識路~~知道我o係邊~~haha~~叻喎~~
好開心呀~~~有好多野收~~~^w^
有"thematic" cd啦~~poster啦~~果張簽名A4紙~~生日會相啦~~
仲有花生糖~~(呢個係grace附送既~)haha~~~^^
多謝你呀~baby~~麻煩晒啦~~
今次呢個簽名真係靚好多呀~~用金色筆簽~~^^
有d想囉去過膠添~~~>w<
跟住同grace傾左一陣~~我又上返去做野啦~~
老公上左黎幫我手~~~haha~~其他人走晒~~
跟住7點幾我地就走lu~~~
今晚去老公屋企食飯~~因為聽日要放假陪佢上庭~~~
auntie煮既野好好味呀~~^w^
老公都話~我今日食既野比o係屋企食既多d~~haha~~~^^ |
|
| |
« | 68 | 69 | 70 | 71 | 72 | 73 | 74 | 75 | 76 | 77 | »
|
