華納兄弟影片最新曝光《哈利波特6：混血王子的背叛》( Harry Potter and the Half-Blood Prince )首張官方電影劇照！另外仲有關於《哈利波特》第6集故事改動嘅消息！
《哈利波特6》監製 David Barron 早前向澳洲報章《Herald Sun》透露，《哈利波特6》將增加一場原著冇嘅戲： 「由於小說篇幅唔受限制，J.K. Rowing 可以穿插D小片斷，話俾我哋知外邊發生嘅事情。比如有人睇報紙話某人父母遭遇不幸；或者有人退學，因為家人覺得學校唔安全。 呢D細節好難搬上大銀幕，因此喺電影中間，我哋加咗一場食死人襲擊陋居的戲，目的就係提醒觀眾呢個世界不再安全，甚至『避風港』洞穴屋都難免受到波及，人人自危。」
早前有傳聞《哈利波特7：死神的聖物》( Harry Potter and the Deathly Hallows )有可能拍攝上下集，近日被華納兄弟影片正式確認。片商同時宣佈，《哈利波特》第5、6集導演大衛葉斯( David Yates )將繼續執導兩集《哈利波特7》。
《哈利波特6》香港上畫日期：2008年11月20日。
－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－
《哈利波特－混血王子的背叛》( Harry Potter and the Half-blood Prince )即將登上電影雜誌《Empire》8月號封面！而《USA Today》同《Empire》更搶先公開一批《哈利波特6》獨家電影劇照，足以令全球哈迷興奮不已！
「哈利仔」丹尼爾域基夫( Daniel Radcliffe )接受《Empire》訪問時表示，哈利波特第6集比過去5集更黑暗，更將新片比喻為三級片《迷幻列車》( Trainspotting )。導演大衛葉斯( David Yates )亦爆料話，開頭一場大戰將摧毀英國某座地標建築，引發坊間諸多猜測。唔通係倫敦大笨鐘？
《哈利波特－混血王子的背叛》將於2008年11月16日在美國上映。
－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－
更多圖片和花絮：http://movie.kusoway.com/airdate/2008/month-11/HarryPotter6/HarryPotter6.jsp
