雖然番左學幾日，但係唔知做咩都唔係好慣，剩下的時間唔多，仲有好多野教咁
  實左無聊到極，d人午息唔落去打波，真係搞到我訓唔著，吵得恐怖
  我諗又係時侯睇下本書，唔係既話真係悶死都唔知咩事
  琴日訓覺既時侯諗到樣野，其實有冇諗過有幾多人憎你呢？之前都冇諗過
  再諗下諗下，發覺自己係勁多地方好討厭，應該會有人係我死後or背後，講我既壞話
  表面上仲要係扮friend既，暗地裹就係憎你憎到死，表裹不一+戴住一個面具，周圍應該多的是
  好似有d稀虛咁，但事實就係好多人係咁生存落去

  今日係最後一日假期啦，因為落雨關係冇得打波，所以就係hm到睇youtube
  奇妙物語真係勁好睇呀，雖然入面講既野都好天馬行空，但係帶出既道理係好有用既
  講下我睇左d咩先啦：有 虛擬記憶、比之前更好的人、自殺者再利用法、午夜慘案、理想的壽喜燒、生死問答
  睇左成6隻咁多，每隻都有唔同既意義帶出黎，有d名好似好恐怖咁，但其實講d野真係好正
  例如 自殺者再利用法，係想講人唔好輕視生命... 午夜慘案係講事件做出黎可能係好靚，但其實過程係好殘酷...
  其他就自己去睇啦，超推薦呀！

   最近or頭先啦，我玩左場pocker，我想講下個鋪既情況
   我記得一開頭d牌都ok順啦，但係去到最尾1對1既時候，我唔知做咩拿到底牌2、3都會跟注
  之後戈個人好似拿到好牌咁，我就變到處於弱勢啦，唔知做咩咁，佢好似叫我唔好跟注咁
  諗番佢咁都幾好丫，起碼我都冇繼續跟落去，因為我feel到係時候棄牌啦
  唯有再期待之後既唔同睹局啦，今次真係撞到好人，早知加佢做牌友啦，忘記了...

  附加的話：拿到好牌時，不應去等下一副，機會很渺汒的牌吧
  若下一副不是更好的牌，你便會後悔
  機會失去了，就說聲再見吧

  聽日就係放假前既最後1日，雖然知道好多學校都放左，但係我地間野就係咁，還能慶幸冇更遲放 
  假期對我黎講係夜訓同係咁訓覺既日子
  剩低2個幾月既時間，好好把握，期未考呀
  上次後悔既人，今次唔可以再係咁la，話哂都係揀科丫
  今天既努力，係為左可以選自己既科，當然仲有好多野啦(暫時既目標姐)
 
  

  夢的開始是我去左一個好似停車場既地方，個到唔知點解會有d籃球架係個籠入面，個到係好黑既，冇人打緊波
  之後望去另一邊，見到個好大既球場，好多人踢緊波，好光既
  跟住就上左去露天既地方，問人野先發現原來係korea，有個人行埋黎首先(唔知用咩語言)問我識唔識韓文
  好怪咁我用英文答佢(a little bit)，之後佢就用英文同我唔知up咩，佢d英文唔好架
  個陣個天落緊d唔知咩野，但係見到個個人係到走，我就行埋一邊見到個呀伯，我勁冇厘頭咁問佢少女時代d野
  佢話少女時代會解散(有冇搞錯呀)，不過自己做歌手都唔係見壞事黎既，仲講左個(5)字，唔知點解

  呢個夢都好真實下
  平時發夢邊有咁具髏架