雖然今日只係年初二，但係我已經完成晒新年要做既野，就係探晒所有要探既親戚，正呀！

頭先同我三個哥哥食完開年飯，仲同家隆傾左一陣計，佢覺得同佢爸爸，即係我大哥傾唔到計，我就解釋俾佢聽，其實我大哥唔係ｄ能言善辯既人，佢唔會用把口去關心人，係用行動，記得我媽媽患重病時，大哥即刻請假去照顧媽媽，係整個過程中，佢默默用心去照顧，呢個係我最欣賞大哥既地方，希望家隆會明白。

聽日會同班團友仔去海洋公園，諗起都好開心呀！嘻......