今日一早諗住入去錦繡的時候, 家姐打俾媽咪話點解大肚婆會瀨尿既, 仲濕左兩條褲…暈, 常人理解都知係羊水穿左啦, 佢仲施施然係度洗白白….之後佢就同Ken去左醫院, 我就照常去勞改….
入到去想用密碼入去, 點知入左好多次都入唔到, 真係麻煩, 電子野, 外表就grand, 真係急起黎想入去, 火都黎….做緊野個時ken返左黎…
以為咩事, 原來家姐要等陣先生, 佢話醫院話佢就生的時候會打俾佢, 呢個我學過, 大肚婆要陣痛, 一個鐘一次, 之後半個鐘一次, 十五分鐘一次, 愈來愈急之後先會入產房, ken同我今日好似上左turbo咁, 做多比平時多既野, 今日ken就整度門的收邊, 整到一半佢就走左, 手尾我攪….又係既, 老婆生仔…佢今日都叫冷靜的了, 俾其他人食唔安, 坐唔落了….
之後佢去左醫院, 我就係度髹油, 因為之後會用噴槍, 今日好拿西咁髹完, 我就出左九龍同瑜吃飯, 同埋接左細佬, 今日咁開心, 所以細佬今日特赦, 今日周圍食野, 不過細佬唔食得辣, 所以好多野都無得吃…不過奇怪家姐生完一個鐘打俾我不知幾好中氣, n樣野叫我做…哈哈…生仔都唔係好痛者….
今晚同瑜去左荷里活廣場一間好似YLK再高級少少的餐廳食飯, 當然細佬都有份啦, 今晚叫左個2人餐, 之後再叫多個飯俾佢, 以為唔夠, 點知食落都幾飽…野食OK, 可以覆灼…..
|
