今日去買貨, 買買下自己都覺得無咩必要去買, 因為量又唔係多, 我應該想下求變, 依家呢個量, 真係食之無味, 棄之可惜, 應該係未到最壞的情況先想下一步, 我想批發會係我的下一個目標….
不過批發唔責貨又幾難, 如果做駁腳, 好多時都要睇人面色做人….我又唔係好想, 所以今日開始我一邊做野, 一邊要想下應該點change…
今日同細佬去左買貨, 因為下個星期佢就考試了, 人地之前考第一, 呈分試已經完左, 今次唔考都無所謂, 不過對細佬如果佢派得唔好既話, 呢個可能係佢有機會叩門的一次機會….
所以今次我又點會俾佢輕鬆呢….今日上到去, 老規矩都係餓左半日, usb個條友潛左水, 頂, 想換番都唔得…唔知係咪走左佬, 不過換唔換都無所謂, 因為我地都無蝕, 個本賺得番….
過關唔見左細佬, 真係俾佢嚇死, 好在我俾左身份證同回鄉卡佢, 唔係係大陸個邊佢都過唔到香港, 佢個時真係死得….今晚我都好累了, 所以係九龍塘就等佢自己番屋企….我就出左去入錢, 好在依家有轉乘, 唔係出左去, 入唔到錢入番去, 咪蝕左…..
|
