今日起身, 真係有少少傻傻地的感覺, 起碼唔會知今日係咩日子, 幾多號, 好似食左成擔豬油咁~~ 不過呆還呆, 我都係要出去做每日必須做既工作, 之後就打算去湊細佬, 去到商場就打算放底哂d野先去湊佢, 因為今日個包包都幾多貨, 所以打算放底先去湊, 個路程係遠左, 不過揹既野唔使咁重, 又唔同講法的….
一打開門, 見到細佬同佢媽係度, 真係呆左, 問細佬點解今日佢會係度, 佢就話今日放假所以咪係度, 我問佢咩假呀, 佢話端午羅, 太耐無返學, 所以對假日沒有什麼期待的感覺, 早知今日佢唔使返學, 今日一定唔會俾佢係屋企睇電視…..
今日迫細佬串生字, 意料之內佢一定串唔出, 串唔出的後果就係打pat pat….我又唔係叫佢背書, 佢串生字仲慘過叫佢去食屎咁~~唉…..今晚當然佢係”無飯生”, 唔使食飯…..
|
