細佬成日等我星期日做義工, 就可以係屋企為所欲為, 尋晚我已經唔俾佢食飯, 等佢覺得我走左佢就可以亂黎, 又可以食飯, 我吹佢唔漲, 我尋晚講左邊個俾佢食飯就邊個教佢, 我覺得我唔可以再俾佢亂黎, 有個錯覺覺得我地的能力有斷層, 即係話我地唔可以連續咁控制住佢….

 

今日我就叫佢出左圖書館溫書, 佢又玩野啦, 一早估到, 又話唔識路, 之前我係度問佢識唔識路, 佢就話之前佢住呢邊, 好熟…仲係度奸笑, 佢目的就係想我地內鬨, 不過我平時佢講咩,我都當佢廢的, 所以唔會有嬲呢個感覺, 俾佢覺得我地嬲, 佢會好有成功感的….

 

今日做義工唔算慘, 最慘係出去食完飯…回來個時以為自己把傘好大把啦, 點知d雨好玩野咁由後面吹番上黎, 有等於無….成身濕哂, 仲要濕住咁係間冷氣房, 好在個導師開左度門, 等通風少少…唔係一定領硬野……

 

今日等細佬係圖書館, 主要係唔俾佢食野, 預左佢會攪野架啦….佢仲有心情借公仔書睇…..好…無野俾你食….同我玩….