今日一早家姐打俾我問新世界個邊攪成點, 我都未收到回音, 都唔知點答佢好, 所以都係不了了之, 無打番俾佢, 唔通打俾佢話我依家咩都收唔到, 咩都唔知咩? 打左等於無打….所以都係等新世界打番俾我, 我先打番俾佢….
呢排都幾多交收, 錢就賺唔到咩, 不過都好過無咁啦…咁如果要用錢買分, 不如用貨賺分, 唔通尢得個acc咩都唔賣住咩, 密食都可以當三番啦!!
今日交收完去左湊細佬, 尋晚默完英文, 今日就默中文, 第一次叫瑜讀俾佢聽, 點知0分, 都唔明點解中文都可以零分, 原來佢一聽唔到一句, 就停筆, 猛咁問之前個句係咩, 暈….邊有人會讀番之前個句俾佢知, 讀左一句兩次, 最後一次咁就攪店, 中學可能讀一次就無啦…..
唉, 都係佢地的老師寵慣佢地, 用埋d小學一年級的方法教佢地…..一下子要佢上到中學的程度係會好辛苦, 不過好過佢到時上到去一d時間去練習都無….今晚第二次就由我幫佢默, 攪到成3點, 又破紀錄了, 等佢覺得玩野, 我地無時間同佢玩…..
|
