今日又係星期六, 自從上次同細佬玩左一日佢無野食, 星期六已經係佢惡夢的開始, 所以星期六應該係佢最唔祈待的一天….
今日一早去大家樂食野, 例牌佢一定無野食, 連最簡單的頭4張, 200個生字佢都唔識…真係幫唔落~
之後就去左紅磡周圍八下, 細佬就只有一味跟住我, 因為佢張八達通係我度, 唔見左我, 我估佢都幾大鑊….之後就同佢去左北角, 北角碼頭呢個地方我都係第一次黎, 之前係炮台山做野, 北角碼頭有一次同瑜食完野都行到附近, 不過碼頭就未去到….
呢度有好多海鮮賣, 仲幾平, 如果下次經過要買海鮮呢度都係一個唔錯的選擇~~行左都幾個鐘, 就去左我之前做野的pcc飲咖啡, 細佬當然就係無得飲啦….佢仲夠膽係度釣魚, 豈有此理, 所以佢訓一次, 我就踢佢一次….等佢無覺好訓….
今日玩左成日佢都無野食, 最慘就係我係尖沙咀買左兩個飯, 話佢串到3個就有野食, 佢就望住我吃, 最後梗係3個都串唔到啦, 所以碗野就俾左瑜吃, 原來我發現人有得吃, 自己無得吃, 對細佬係最work, 今日成日都無咩感覺, 望住我有得吃的時候, 就喊到成個豬頭咁…..
|
