吸取左上個星期六的經驗, 對付細佬唯有係食呢方面先可以入到手, 唔俾佢食野已經係見慣見熟, 佢已經免疫了, 所以我引用番上個星期的方法, 答到3個生字就有得吃, 答唔到就咩都無得吃, 仲要望住我吃….
結果今日係答唔到, 佢係吉野家拎功課出黎做的時候, 我又真係有一刻心軟, 因為行過的人都話呢個小朋友真係乖, 係度做功課云云, 不過我個一刻心軟好快就無左, 因為我俾佢的生字, 成個月都未識….真係想起都想番檯….
最後我的一刻心軟用左係唔使要佢望住我食….的左佢番屋企, 我就叫左外賣番屋企….不過次次都係咁, 次次佢呀媽都俾野佢食….
唉….玉不琢, 不成器, 用溫水浸石頭, 又點可以成就大事呢….
|
