升爺尋日打俾我叫我幫佢交電話費, 個時要我出去搭地鐵先交到, 一日半日唔交都唔會死, 最多真係趕既, 我都可以係網上轉錢俾佢, 都唔使攪到咁趕, 結果今日我問佢, 你交左未呀, 佢都係懶懶閒, 仲講話我3個幾月無交電話費了, 唔係佢話7日之內唔交就cut我, 我都唔交, 暈…..
今日去交錢都係去到拍下八達通, 都唔明佢點解咁都唔交…係咪真係有咁忙呀…
之後就去左湊細佬, 行去小巴站, 經過先達, 見到c905, 兩三日跌左幾百元呀…好在未買, 仲打算今個星期買, 買左真係會後悔死…..
同瑜講好在呢幾日忙, 唔係真係買左, 就真係心痛都無用, 我依家買手機, 真係要好抵先會買, 起碼覺得自己賺左…心理上, 其實事實上買呢d野就預左蝕架啦….
之後湊左細佬, 督住佢做功課, 有時見到佢做功課, 真係火都黎, 慢到想死….真係唔知佢係度做緊咩? D字叫左佢唔好咁核突, 唔係就一定寫過, 不過講咁多次, 佢都係懶理, 所以今日罰左佢寫好多次, 等佢玩我…..
|
