不經不覺我做義工的日子開始倒數了, 個時剛剛做的時候, 真係好辛苦, 因為全部人都九唔搭八, 依家識落左好多朋友其實都唔係自己想像中咁, 當做緊義工的時候, 係出面唔知做咩工作的, 依家都係得一個目標, 就係做好呢份job….
慢慢望到曙光, 因為終點就在不遠處….依家呢一刻的心情竟然有點唔捨得…..
今日知道好多義工的背景, 有一個係做參茸的, 呢個最白痴, 成日俾人老點, 不過屋企大把錢的, 唔知係咪特別豬呢?
另外有一個月薪2萬幾, 不過有個大陸的老婆, 我成日係度想, 唔通香港的女人死哂, 要返大陸? 最特別的都算做藥房呢個, 佢一星期7日, 日日都去飲野, 飲酒, 酒都唔知有咩咁好飲, 飲多左成晚去洗手間, 所以佢日日個身都有一陣酒味, 呢d野呀sir都知, 不過係都要俾佢做一d好detail既野, 唔知係咪玩番佢….
今日我做的工作就係做番上次的野, 因為上次畫的圖經過兩星期俾小學生的折騰, 咩都無哂, 又要重新再畫過, 所以今次都係做番之前的野…重覆再做, 希望下次唔使再翻做啦….
|
