細佬今日仲係過緊佢帶包的日子, 好似好慘咁, 問下佢對帶包有咩意見, 佢就話不知幾好, 對佢來說, 好似仲未知自己係異型咁, 覺得成班同學食飯, 佢就食包, 好似仲特別左, 咪當轉下口味,…..
不過佢有咁既想法, 我可以有更加嚴厲的懲罰, 最緊要都係唔好攪作人命….
今日接佢放學, 佢班主任唔係度, 所以帶左佢走, 剛同佢講緊, 佢今日有無攪野, 佢就話無呀, 梗係, 俾著我都會話無啦, 唔通講有, 等自己無得吃咩, 所以問左都係廢的, 經過教員室, 見到細佬的中文老師, 咪隨便同細佬講, 不如同修女傾下, 佢勁大反應拉我走, 我覺得肯定有野啦, 所以就返轉頭搵修女傾下….
唔傾由自何, 一傾原來九十幾樣野同我投訴, 本來未見修女之前已經講緊今日會有下午茶, 依家咩都唔使食, 有一樣野食就係 “貓面”……
|
