細佬班主任今日病左, 打左俾我話俾我聽….其實我都好無奈, 點解打俾我, 有時同我講到好似我係佢上司咁, 慌死我xxx佢, 不過我依家幾惡, 佢都唔係未領教過…..我都可以好唔講道理….
返過來想了一下, 就覺得佢都好難做, 依家又要管學生, 又唔可以鬧, 又唔可以打, 郁下又話你虐兒, 個社會的k型, 害慘了這班 “為人師表”……
細佬結束左佢的五一假期, 第一日開始佢今個月的吃飽生涯, 等佢同我對抗, 我就慢慢收窄佢的福利, 其實減緊細佬的野, 就會知道佢有好多錢都使緊, 只係佢覺得好多野係必然, 依家收番, 原來都可以節省好多錢…..
今日交收左個咖啡壺, 條女又話得少少時間, 自己又遲到, 最憎呢d屎忽鬼….想鬧鬼佢, 不過呢d都係meaningless的, 嘈左自己又唔開心, 嘈黎做咩呢? 不如慳番啖氣…之後湊埋細佬去交收另一隻藍芽, 條友又遲, 係勁遲個隻, 唉…..死等難等….都唔知為咩, 又唔係賺得多, 個隻死cheap藍芽, 不過想下KFC個D 14-16元一個鐘, 個心就舒服好多了….
|
