今日細佬運動會, 做家長梗係想佢拎到牌, 等佢小學生活有個完美的句點, 不過心的另一邊係度想, 佢尋晚同我玩到成1點鐘, 今日又邊會有好成績, 有時會想睇戲個時, 追人地家姐, 就要照顧好人地全家, 咩都要就哂, 細佬可能係呢一方面特別唔明, 點解人地就咩都有, 佢就鑊鑊金….不過呢D係我的角度,係先甜後苦定係先苦後甜的分別…..
佢今日無牌拎, 已經係意料中意, 不過佢的通告話1點半解散, 等我1點4個字去到, 以為今日應該唔會遲到, 人地都要食飯…懶體貼咁就領野啦, 原來係1點半先係運動場解散, 暈, 原來好多家長都同我一樣係度死等爛等, 學校出呢張通告即係誤導我地家長者…..
等左成個鐘, 好在有電腦係身, 唔係呢一個鐘都幾難打發, 湊完細佬就叫佢返屋企做功課先, 因為尋晚俾左一包餅佢, 應該餓唔死佢, 等佢做完功課先HI-TEA, 今日我都未食飯, 陪佢一齊肚餓, 好在佢今日可能因為肚餓, 好快就做哂功課….我先唔使捱好耐…..
今日我地去寄信, 追車尾呀, 剛見到架郵局車收左信, 所以我同細佬食完野就去左大局度寄信, 本來想佢自己一個去, 不過呢排都係陪住佢好點, 唔好俾佢又去左成個鐘先返…..
|
