今日一早起身,都落幾大雨, 本來都唔想上大陸, 不過尋晚之後, 就唔上唔得, 本來想聽日上的, 點知升爺一知我話上大陸, 就叫我幫佢買點卡, 唔買都唔知, 原來大陸叫GURDAN叫卡頓, 而唔係叫高達的….
今日雖然好大雨, 不過我坐東鐵, 好少機會要開雨傘的….
上到大陸, 落雨天的大陸就梗加惡劣了, D大陸人唔理你邊個, 好似隻牛咁死撞難撞, D水洼一個又一個…真係中招多個食飯, 如果唔係著波鞋, 真係冼死都未天光….
買所謂的點卡, 其實係一張中移動的儲值卡, 係海關已經買左, 之後行下其他新的地方, 唔行都唔知原來我地平時買貨的地方原來有個服裝市場, 都幾大下, 不過D野都幾貴, 有機會帶瑜行下, 深圳唔係得東門可以行街買衫的….之後番香港….落雨天特別累, 搵完呀瑜之後就番屋企HEA….難得的一天唔使去湊細佬….呼, 明白家長有一日放假真係仲開心過收到咩禮物
|
