呢兩日都好夜訓, 都係上網找下細佬個區的中學校網, 我個區就話識邊間打邊間, 細佬呢一區我識的只有梁式芝, 因為係教區運動會成日都聽到…其他打開都O哂嘴, 咩都唔知….
不過上網先知, 有好多家長都好懶, 話哂自己個仔咩成績, 就叫人地幫佢地排, 仲要有人幫佢地先慘, 真係INTERNET就係幫呢D懶人….自己仔女的命運就咁交托係人地手上….我真係應該替佢的仔女講一句….節哀順便….
今日見到佢班主任, 講左好多中學BAND的問題, 我大概都有個譜, 不過我唔會好似我之前咁, 心頭高, 死得快….降低少少要求, 唔使做餐飽…到時搵學校真係死得人….
今日返到屋企就審細佬睇咸報, 起初唔肯認, 威迫利誘之下, 佢都係講左, 問佢係咪好想去叫雞, 佢有色心, 無色膽, 不過我估如果佢話係呀, 我好想去…我都唔知點應佢好….
|
