哈哈, 今日攪出一個大笑話, 就係本來今日我去到瑜屋企打開個雪櫃睇下有無野飲的時候, 見到d豆腐花好似少左一個, 我就打俾瑜, 瑜就話今日開雪櫃有3個, 我就話我見到有兩個咋, 仲有一個去左邊…..
一個豆腐花唔係d咩野, 不過講明細佬係嚴管期入面唔可以偷野, 唔係就會重罰, 所以一個豆腐花就看得好大件事, 我係度想, 佢依家都夠膽偷野, 想死咩…?去到學校當然同老師寒喧幾句, 出學校門口就開始問佢, 個豆腐花去左邊, 佢就一直都唔認, 仲愈講愈激動, 話佢無做, 我屈佢, 其實我個心已經有左底了, 佢次次講大話都會嬉皮笑臉, 如果俾人屈佢, 佢就會喊到豬頭, 不過我唔鐘意佢講野好似狗吠咁, 所以我就梗係唔會咁易放生佢….
不過我奇怪點解佢咁激動, 而個豆腐花唔見左, 返到屋企打開個雪櫃, 兩塊芝士蓋住左, 哈哈….佢仲灰溜溜咁講, 塊芝士的威力真係大….. 我就話唔係芝士, 而係你自己, 你令到無人信你…..呢d就係成日偷野的下場….
|
