今日一早起身就有好多個地方想去, 係買精品先, 買電腦先定係去食野先啦…..最後決定都係去買電腦先, 之後去買精, 最後食野, 不過今日去到電腦個度, 個肥妹唔係到, 得個死靚仔, 本來我都唔想出口傷人, 不過佢真係太pk, 叫佢換個貼膜俾我, 好似要左佢副身家咁….
之後打俾肥妹, 肥妹話等佢回來幫我地攪, 我地唯有去買精品先, 等一陣再回來, 唉, 又哂左一程錢….之後去買左精品, 又返去拎電腦….唉…真係想xxx人…..去到之後就check電腦啦….買完哂所有野, 就返去酒店附近食野, 食左兩個商務午餐, 不過唔知呢間野, 點解成日將田雞叫做牛蛙, 又唔見得grand左….味道就一般般…不過環境加埋分, 都叫不過不失啦
唔知係咪因為尋晚食左辣野呢, 今日成日都肚痛, 本來咁辛苦真係唔想周圍去, 不過應承左表弟, 月底之前要拎部電腦回去, 唔係就係契弟, 3點先係深圳走, 4點去到廣州, 5點先上到車返鄉下, 最攪野係我以為車飛40-50元一張, 點知, 95元一張, 呆左……咁貴既…..
八點先返到鄉下, 仲落緊雨, 個袋勁重呀, 好在叫左兩個表弟出黎, 唔係一定死梗….成個下午一點水都無飲過, 更加唔好講食野啦, 所以番到鄉下, 洗手間有3個, 唔怕肚痛無得去, 仲唔食餐飽….呵呵
|
