瑜今日放假, 我地一早去左食咖哩, 呢間野好耐之前都想試下, 因為有介紹話佢地的大廚係日本人, 係正宗的日本口味, 我都好想試下, 正宗即係咩口味, 不過佢呢度的價錢20幾元, 你想食到咩, 今日試左之後覺得不過不失啦, 瑜就話唔好食, 我今日最慘就住架啦, 點知俾張飛緊既單, 沾左咖哩汁, 咁就中左招, 頂佢….
之後就去行下整名片, 不過行左咁耐都整唔到, 頂, 因為好鬼熱, 行行下就去左食野, 今日去左油麻地九記, 之前都想試埋呢一間, 不過呢度比較吊腳, 所以無去到, 不過今日我同瑜行到個邊, 想去蒜頭屋的, 不過記起呢間野咪試下, 試左之後清湯腩, 45元一大碗, 依家牛咁貴, 真係自己整都整唔到, 入面d羅白之前覺得係呃錢, 不過用牛腩湯浸過入哂味, 又無渣, 再叫多左個海南雞, 呢個就一般, 加兩杯凍飲, 100元落樓, 抵, 100元剩係牛腩都抵….之後去左彩豐行買左好多野, 今晚又見到瑜爸爸黎, 拎左好多木板黎, 同ken買3樓個d差唔多, 都係無縫木板, 之前我同ken領過野, 知道點舗會好睇, 所以今晚瑜爸爸問我個時, 我識點答, 搬水過鑊…即刻應用度….哈哈
|
