升爺整左兩日, 今日佢返工, 無得傾啦, 我只有自己一個入去, 今日同ken整大班檯, 之前放左係地下,以為係組合櫃, 原來係大班檯, 自己試過力, 勁重, 今日要由一樓搬去二樓, 我同ken都係勉強可以拎起, 如果升爺係度都未必夠力, 哈哈~今日有個工人去左家姐度, 唉, 又係爸爸的杰作, 又話同鄉, 又話咩, 我就真係唔會咁做, 因為講真自己個仔自己得閒自己湊, 如果返工就無野好講者, 爸爸真係好事多為…..
不過呢個工人都算唔話得, 整到自己好忙咁, 見到佢唔係做緊清潔, 就係煮緊野, 又話幫我同ken搬野, 暈, 我地都唔夠力, 佢都係算吧啦…..做完野本來出九龍搵細佬, 佢都幾夠薑, 唔出黎圖書館都唔緊要, 仲要去左人地屋企玩, 我咪玩大佢, 搵佢班主任之後再搵人地媽咪, 佢班主任問我使唔使話俾人地家長知, 唔俾佢去, 我覺得無咁既必要, 人地都係一片好意, 係自己人有問題, 無理由要管人地…
今晚同瑜放工之後佢老豆黎左請食飯, 邊個都無面俾, 佢今晚一定俾人打鑊金的, 唔係佢都唔知死字點寫…..500下, 一下都無得少……豈有此理
|
