今日星期日, 家姐一早打黎投訴話佢個個工人只係識煮飯, 唔識湊女, 唉, 我家姐係咩人, 我覺得無人比我地清楚, 佢之前有新玩具, 一定霸住, 邊會讓俾人玩下, 人地煮飯, 你估真係唔使用腦咩, 人地知道咩唔可以食, 咩要食多d, 唉….所以話100個人有100個口味, 而我家姐仲要係最特別個種口味, 要平, 但係要食到半島咁既級數….你話幾難, 唔係話無….而係可以用罕有….
今日細佬想博大霧話係咪嘟左係港鐵就得, 我本來都係嘟左見到全部港鐵我都想算, 不過佢講既野有問題, 我就認真咁睇下佢今日嘟左咩…原來今日嘟左4次….佢出黎應該都係嘟左一次, 仲有個3次嘟左d咩, 我以為佢好似之前咁出錯閘, 我都諗住算….帶佢去買野飲, 買左200元野飲, 等佢一個人拎住….由ssp去到太子, 可以想像度有幾重, 哈哈~等佢玩我…我本來當懲罰左佢, 不過番到屋企我再嘟下張八達通, 個時間差幾個鐘, 我要佢寫由邊個站入, 邊個站出, 佢寫出黎我差點暈左, 佢去左藍田行下…之後又去左長沙灣行下…..我今晚就咁算, 點做監護人…..
|
