發病原來都可以好無原因, 尋日只係覺得個喉嚨有少少沙, 今日就覺得全身好似俾火燒咁, 又發燒, 喉嚨痛, 同埋感冒咁, 今日本來想同瑜去行下街, 點知….唉….病都唔知自己點解病, 真係攪笑….

諗住食下葯, 係屋企休息多一點會好點, 不過都好似無咩幫助咁…今日成日都好累, 只係用一陣電腦就好想訓, 同埋對著電腦對對下, 好似離左魂咁, 唔知去左邊, 一陣先知自己做緊咩, 呢d好似道友無上電咁, 發燒的感覺令人真迷~~

今日係奧運開始比賽的第一天, 成個下午的賽事, 我都開住電視睇直播, 不過都係半夢半醒之間, 綜合起來真係唔知自己睇過什麼....

今晚10點多就訓了, 細佬話真係出奇, 我都會咁早訓, 但訓左一陣又俾人叫左起身, 原來叫我食葯, 原來佢又將我病的消息大肆宣傳, 真係……小事化大