今日做緊野的時候, 突然發覺呢排我同瑜都好少講野, 講既野大部份都係好似唔等使的事, 好似我地之間除左呢d無謂野就好似無咩其他野講...感覺好似感情已經到左一個平台期, 好難再有突破...

依家只有往事只能回味, 係度想下之前既佢同依家既佢, 唔係好耐,但係有老夫老妻的感覺了, 唔知係唔係因為無左新鮮感, 定係我對佢已經好了解呢?唔需要成日開口問佢, 已經知佢做緊咩, 無左拍拖個種甜蜜, 有時會覺得佢問一點佢自己都會知的事, 會覺得煩....不過又唔意思同佢講, 我唔鐘意俾人煩住, 呢個係佢識我的時候就已經知道, 不過近排佢對我講野的時候, 有時講左好多好多次, 我都無答佢....我知, 如果再咁迴避個問題, 遲早都會出事....

講真, 如果話想結婚, 瑜都係一個好好的對象, 不過好似我地之間仲欠咁d野...但我又一時講唔出....