聽日點, 聽日點?......今日俾人煩左九千幾次, 因為聽日就係一生人一次的家長日, 即係ken同姐大家的家長見面, 呢次見面已經存在太多的不尋常, 因為姐同ken已經結左婚, 註左冊, 到依家先傾擺酒見家長, 實在有點兒哪個….

聽日的見面不外乎都係禮金同酒席, 因為姐已經嫁左, 我地唔可以咁過份, 但係我地從來都無想過過份, 只要姐開心就好了, 不過明天傳言ken個邊會出現好多奸人…..我地今晚討論主要都係防範呢班人, 唔好俾空子人地捉住, 我地可以同佢地嘈, 不過最後受苦的一定係家姐, 所以我地採取的態度就係不偏不倚, 順勢而行, 對意見咩都保持中立, 唔好出咁多聲, 只要對方唔做得過份就好了…..

不過媽咪俾家姐慫恿話聽日要決定好多野, 我心想會唔會即時拍到板呀, 聽晚即時開台咩?我就唔信啦, 不過問來問去都係一些兩難的問題, 其實都係自己怕多俾人話貪,小俾人串小家…..我想呢個嫁娶都可以運用下外交談判技巧….

呢次對話, serious點想, 係可以影響到兩個人下半輩子的幸福…..同埋兩家人的關係, 可以話係一個里程碑…..