本來提出食宵夜個個係我, 但係俾人拖出間房的個個都係我…..睇完衝上雲霄講真有點累了, 唔想出去, 不過瑜就好想出去食野….唔知係唔係因為今晚佢未食飯呢?出左去食宵夜, 本來打算飲茶, 不過尋日早上先飲左, 唔係好想, 之後行左去走鬼檔, 都好多花款野食, 有燒烤, 炒粉, 仲有酸辣粉, 全部買齊哂都係30元…..兩個人雖然好似餓狼咁, 但係都食唔哂…個酸辣粉都幾特色的, 無榨菜, 但係有通菜, 不過都真係幾辣, 辣過係東門食個D….

食飽飽就可以訓, 一覺訓到天光唔係俾鬧鐘整醒, 而係唔知俾邊個打電話嘈醒左….起身之後行左一陣街, 買左對拖鞋同個袋俾瑜, 去左間草莓工房, 唉, 又係一間黑店, 試左個意粉, 嘩, 一點意式無之餘仲要成堆水, 呀瑜個個就不過不失啦….

跟住的節目就係去惠東….好久沒來這個地方了,去到呢個地方好似咩都唔識咁, 行來行去, 差點俾人老點…..真係大陸人係信唔過的, 又再一次印證, 行行下都心淡之後就坐車去深圳, 架車又話咩高速直達, 不過係淡水之前一個路口上高速….沙田上, 同一個路口落, 係平湖落, 搵笨~~~

去到深圳想找洗手間, 點知2樓有女洗手間, 4樓先有男的, 暈…….個一刻真係好想行入女廁, 因為真係好急………..

今晚真係邊度都唔想去, 因為肚仔唔舒服, 番左hk,食完野, 瑜就番左屋企, 我都係時候番屋企了….