今日本來要入去勞改, 應剩左姐, 不過臨時有事, 所以無入到去, 但係好奇怪又無俾人打爆電話, 我都知姐信我唔會無端端甩底, 因為收到call所以先無入去…呢d野大家都明, 大家都有大家的工作, 唔會好似催命符咁~~

交心, 講真有幾多人可以做到, 今日呢個可能都係我交心的朋友其中一個, 我地從來未見過, 不過我地無所不談, 感覺就好似一對識左好耐的朋友, 佢都有2年無同我傾過計, 不過佢一話我係你之前邊個邊個女朋友的朋友, 我地之前成日傾….我就想起個時我成日通宵同佢傾, 個時佢都失戀, 我地成日都講抱負, 同將來, 不過個時佢就成日掛住打機, 所以佢之前的女朋友雜開左佢, 不過依家佢都係成日打機, 但係反而有個老婆, 真係咩豬頭就有咩菩薩?

今日見到佢可以修成正果, 作為朋友都應該為他感到高興, 但係唔知係唔係人人都可以好似佢咁, 可以有咁好命…..

不知不覺由3年變左4年的女朋友…..唔知佢依家過成點, 依家無咩興趣知佢發生的事, 因為已經無左心痛在乎的感覺……