難得的一天忙完, 本來想係屋企到hea下, 又俾人召左入錦繡勞改, 今日本來想唔訓, 不過又敵不過睡魔, 訓左兩個鐘就起身, 因為應剩左今日要入去, 所以點累都要起身….唉!!訓到半夢半醒, 去到西鐵站企係度都會訓得著, 真係死得….入到元朗本來想買早餐的, 點知新元朗中心係無m記, 整到我本來仲打算開左胃, 有大把quota, 點知…依家餓餐飽, 好在記得有間大雞大係元朗西鐵站下面~~

呢間野我自己都未試過, 不過網上的食評幾好, 試左一份16元的滑雞, 滑同唔滑就係差陣皮….有皮的仲平一元…暈…!!食落點講呢...唔可以同士林夜市比, 元朗開第一間店都算勇氣可嘉,雞腿無台灣咁大塊,店員仲會問你要唔要加辣或剪開,第一啖咬落去, 已經覺得熱氣到爆,重五香粉味, 另外辣味應該來自咖哩粉,食完第一啖頂唔順, 之後個d就拎左俾家姐試味~~

家姐都好評同覺得抵, 即係我無揀錯…不過味道我就一般般……所以唔值得推介俾瑜…所以give up….

今日下午係荃灣游左幾次花園, ken死都唔認輸找楊屋道70號, 其實係我的問題係楊屋道171號, 所以找極都找唔到,係荃灣做完野, 之後番屋企, 唔夠5分鐘就已經訓著左…不醒人事個種…..到夜晚因為自己無衝涼就醒左……咁呆下呆下又過了一天