今日出門口的時候,萬里無雲, 無人估到會整天下雨掛…但係睇左朝早的新聞話今日會有驟雨, 唔想今日去踐單車, 踐到一半就泡水, 所以就決定不如今天擱置一下….

約左瑜九點係九龍塘等, 不過係太子地鐵上左一陣網, 睇下天氣圖, 今日唔只驟雨而係大雨, 所以我臨時決定唔去踐單車, 而係北上, 上次應剩帶瑜去深圳灣, 今日正好可以實現, 我地先去左美孚,天水圍之後去到深圳灣….一出深圳灣就即落雨,證實我的決定唔係錯的了….呵呵, 我的眼光真係準

之後行左東門, 去食泰國菜, 冬蔭功, 香蕉薄餅, 都好耐無食, 上次去都係叫左個冬蔭功, 口味同3年前的都一樣, 不過人就唔同左…之後訓左一陣, 下大雨時係酒店租左把雨傘, 之後出去行街, 都係濕左身…..係深圳提錢都真係幾難, 有錢都難找櫃員機提, 無錢就….晚上去左鋸扒, 味道幾好, 不過無酥皮湯, 唔夠完美, 瑜就食左個三文魚刺身, 不過我估佢應該都未飽, 因為都幾少, 問佢飽唔飽佢又話飽…唉

之後去左洗腳, 真係好想話個洗腳妹, 唔好咁多野講, 不過瑜係旁邊, 都係算啦….下次唔叫個位洗腳妹就算啦, 因為都幾抵, 50元兩個…又唔使俾貼士, 都幾抵下…..食完宵夜都成點鐘….