一覺訓醒已經係第二天的早上,  好奇怪自己成晚無郁過, 訓同醒都係同一個姿態, 之後見到好多人打過電話俾我, 豬朋狗友啦...瑜...仲有不知名電話一大堆, 不過就一個留言都無, 係唔係應該留個言起碼俾我知發生咩事呢, 不過我想佢地唔留言, 件事都唔會好嚴重....

早上姐叫我食早餐我都無食, 因為約左人食lunch, 之後出元朗自己搭車, 真係好攪笑, 元朗我以為會係循環線點知去到朗屏先係...咁你應該寫清楚元朗, 朗屏總站, 整到我要坐多左一個站, 唉, 呢6元都抵既, 坐左成半個鐘車....

之後出左九龍拎野, 食lunch之後, 就約左豬朋狗友上去, 今次去試下深圳灣口岸, 個口岸都幾特別, 就係係內地有香港的警察, 因為係一地兩檢, 同一楝block, 個地方都唔係好荒蕪, 不過就係海關零舍孤伶伶, 條橋我覺得長過青馬, 長過紅隧, 不過一橋之隔的另外個邊, 物價好似5年前的皇崗, 1元5個小籠包, 真係聽都未聽過....

之後去左蛇口同南油行下街, 不過最白痴係入左去眼鏡店問野, 眼鏡店的人係咁串我副眼鏡花左, 不過睇下我副眼鏡係gucci同埋係1.67, 先幫我爭左氣, 串番班北妹, 今日全日都係搭過一次的士, 對一個人生路不熟的地方, 我地都係住巴士, 行左好多地方, 最後因為要係皇崗過海關, 所以我地最後一站係福田, 食左bbq, 本身想係街上面吃的, 不過今日落雨, 街上的走鬼檔都無哂....所以就去左上次我同瑜吃個間食, 水準都無咩點退步, 不過仲係未有田螺吃...都唔知幾時先有呢?