今日起身就急急腳過海, 做完點事之後, 就有好多預定的行情, 好似去彩豐行咁, 之後去買褲...

做完野, 行下ELEMENTS買左以色列柿, 今日做緊PROMOTION, 原來以色列都係柿...真係好奇怪, 但係試食左都覺得可以接受, 仲食左好多個...唔好意思唔買, 所以就幫襯左50元/6個....不過我試食都食左4個, 圍番都係5元個...抵....

之後去左彩豐行行左一陣, 買左枝剃鬚膏, 之後買左枝LOTION俾瑜, 一人一枝, 都叫公平啦, 買埋褲就打發左一個下午了, 之後晚上去左行瑜叫我買既野, 不過缺貨, 要下個星期三, 或者四先會有貨, 咁等下個星期先買啦, 之後仲有發現屐的地方, 不過15,16唔知買唔買好, 因為行起上黎都幾霸道下, 所以呢都係等下先...我睇左一個名人的買野心得, 可以防止人有購物狂的心態, 就係你看中了一樣東西, 就唔好買住, 等自己過了氣, 睇下係唔係好掛住佢, 如果真係, 先買, 如果番轉頭無得買, 就安慰自己說係因為自己同件東西無緣~~

晚上同瑜打算去睇戲, 由唔想睇戲..到想睇戲, (因為瑜明天放假, 所以我先想睇, 唔係我一定唔會睇)之後到睇SITTING PLAN, 爆到7彩, 就唔想睇之後, 去左食阿土米線, 唔差, 不過佢話係台灣黎的, 但我係台灣未見過....就好似係內地成日話香港什麼什麼品牌, 香港都未見過, 解釋係佢個名就係叫香港什麼什麼....台灣什麼什麼...之後去左鋸扒, 今日呢一間店, 要俾2個好佢...因為真係好抵食...不過我送左瑜番屋企之後係小巴站的街尾見到平20元.....不過無左個甜品...但係20元都差距好大....下次要去個度試下....