本來打算可以側側博咁唔使做野, HEA多一天, 因為姐尋晚打俾我, 話今日有野要入去攪, 都係我自已衰啦, 佢問我有無野做, 我就話無, 下次都係唔好咁快應佢, 問左咩事先…..呵呵, 講笑, 工作要做就要做…拖完都係自己做….

今日要換左枝炮仔先, 因為個炮尖成日都會趺落地, 如果對住人…分分鐘勁過槍, 所以今日一定要換左佢, 本來想成枝換, 但係個條友就話無事, 正常咁話, 不過我地平時用就會好熱, 佢話無問題就無問題, 但係個護罩就一定要換, 唔係又會飛左枝炮尖出黎, 但係佢話都要70元一個, 睇見佢換, 換完之後就覺得呃錢, 原來咩技巧都無, 1分鐘都唔使就換到….

今日換左之後好似做咩都順哂, 呢D係咪叫心理作用~~~今日見到郭生, 佢就好開心咁話我地旁邊間屋賣左了, 不過賺左八十萬, 之前打算賺160萬架….頂佢呀…係咁哂命….之後就去左佢其他屋個度睇佢的裝修, 真係好grand, 有錢咩都得架啦, 不過佢真係幾有天份, 天生就係食呢行飯的….行完之後, 佢都係例牌個句…幫我同你地d朋友sell下…當景點睇都好, 我話不如收埋入場費, 一個十元, 未賣出, 已經搵番筆…

雖然今日好累, 但時間都算過得好快, 好快就到夜晚, 食完野就睇電視, 每晚都係等呢個時候, 因為終於有得休息了…..不過就好唔期待第二日早上的來臨, 因為又要工作了……..