今朝俾透入屋的陽光整醒左, 望下個鐘先6點…大佬…使唔使咁早就咁猛太陽, 之後就拉左個簾, 訓多陣, 訓到10點幾, 出面好猛陽光, 今日唔想係屋企煮, 就出左街去食, 去左我老豆個friend度食, 點知茶位, 加一, 收足, 咩都無得減~~頂, 都唔知識佢黎做咩?有無攪錯呀, 佢仲要過黎同我地打招呼先死喎, 即係知我地黎左都唔識做, 係咪要開口先….?

 早晨雖然一般般, 但今日的天氣咁好, 就打算油油, 今日分配左工作, 我的工作就係成間屋油哂, 點知….今日油油個時先發覺有好多位都未省乾淨, 不過我想係之前落左好多雨, 所以就有好多浮起左…不過今日一定要油哂, 無咩借口….所以就係個d位倒多點落去….之後有一些露台位, 就得我自己一個人爬出去油, 無人幫拖架, 最多都係幫你加下油….所以當我油哂成間屋, 就覺得好有滿足感, 今日我俾左個名佢, 叫油牆假期~~~~呵呵

 今日油左間屋, 之後成間屋好似新左好多咁, 不過無人估到入面仲係7國咁亂, 咩都未做過?今晚食完d粥, 味道怪怪的, 但係今晚好累…總之飽肚就得啦, 無咩要求….