今日一早, 因為尋晚換個部電話有問題, 瑜一早出黎同我換手機, 我部手機大致上都無咩問題, 不過就係簡體, 用起來都有好多唔方便, 雖然我成日都睇慣大陸字, 但係瑜部手機一定要用得, 所以我就同瑜約左一早係太子等….

今朝約左佢, 幾驚佢唔知醒, 又打唔到俾佢, 有咩事真係無仇報…呵呵, 即係打佢又唔係, 鬧佢又唔係, 不過佢今日都算奇蹟地準時, 之後我地去左m記食早餐, 不過都係佢食, 我因為一早已食左野打底, 所以只是order左一杯咖啡~~今日早上瑜好似小朋友咁話部機有咩問題, 梗係啦, 驗機都係得個10幾分鐘時間, 邊做到咁多野…要用落先知有咩問題!!食完野, 送左佢番工之後, 我就番屋企換衫, 同咪執關於k850i的貼同電….之後去左做野….

晚上林打俾我, 話我知今晚食飯, 如果佢唔打俾我, 我都真係唔記得左, 期待今晚佢請我地個餐飯, 同佢行左陣花園街, 佢對養魚都好有心得, 知我會起一個魚池, 佢就建議不如咁…不如咁…但係自己都唔知自己想點, 到時有需要, 可能都要請教下佢….今日見到澄, 瑜話你地兩個都唔似識, 有邊個估到三年前我地可以friend到晚晚去bar玩, 什至三日唔埋兩日就找佢吹水,一吹就可能係成個下午…但係一件事就改變左我地之間的關係, 佢表弟, 就係佢表弟借錢唔還, 我對佢地的人格有左一個嚴重的警示, 所以漸漸疏遠左佢地…..

佢整幾多錢就整幾多錢, 反正我都唔想欠佢人情, 佢欠我, 好過我欠佢, 今晚同林食呢餐, 瑜就一定唔飽, 我就食左個定食, 就唔理佢地食咩…瑜自己饑就叫多點野食, 不過佢次次餓都唔講, 鬼知咩…?佢同我講好在今晚碗糖水…今晚由佢自己吃, 佢地就住…唉…惡魚頭, 老襯底, 再一次體驗…..