尋日同瑜去食野個陣, 留意到個現象就係佢揀野食個陣無咩主見, 同埋要想好耐…因為我個時唔肚餓, 就話你想吃什麼, 你吃吧~~或者我依家會明點解佢會想咁耐, 因為我唔食, 佢如果叫大魚大肉, 好似唔係幾好, 如果食少少, 不如唔好食, 所以佢尋日選擇左唔食…..

不過我就係咁催佢要食野, 唔係夜晚都唔使訓, 唉, 真係貓抓貓尾, 白忙一場, 其實依家我都會係咁….有時想買一樣野, 想好耐, 但都未必會去買, 因為要格價, 之前唔看價錢牌的生活已經告終, 而家唔可以再咁做, 第一因為錢的問題, 第二因為自己做完都覺得自己好傻, 一樣既產品, 點解要俾更多的金錢呢?

之前想買眼鏡, 先知之前配的眼鏡原來咁貴, 不過依家睇下, 原來仲可以有好多下調的空間~~

今日忙完夜晚的工作後, 又一個通頂了, 下午睡了一下, 一天的生活好像由下午才開始, 早上結束似的…..