前日既野推尋日, 尋日既野推今日, 整到今日要做哂兩日既野, 還制服同埋買西裝, 本來尋日還的制服, 因為尋日飲野飲到好夜, 晏左起身, 所以無去到, 本來尋日仲有個半鐘可以去既, 不過好似好多制服都唔見左, 又要周圍找, 想下係邊....唉, 都幾狼狽下....

今日執齊屋企的制服都有一個小紅白藍咁多, 仲未計埋locker,可以想像有幾咁多, 有幾壯觀, 加加埋埋有3個大的紅白藍...係客運大樓搬去總部都有一段路, 真係好似乞丐咁,之後去到打算交衫啦, 又要去人事部...去唔緊要, 仲要拎埋3袋野, 門都過唔到...塞住左....好攪野....唉,都唔知咁多衫做咩, 好多都未著過~

之後今日瑜同佢個friend去左disney, 唉, 都唔知點解咁多人咁鐘意去...好似香港人未去過就好似好失禮咁, 但係去過的人都大叫搵笨, 但依然咁多人去, 真係吹佢唔漲, 今日本來諗住自己去買衫, 不過瑜都出左黎, 去左好多地方, 東薈城, 奧海城同埋契媽話既荷里活廣場, 如果唔係趕, 我估我會全部係同一間店買....不過算啦, 尋日既事今日做......