今日又係4點起身, 有時都唔知點解我要咁早起身, 不過我知如果我唔咁早起身, 一定會趕死, 我寧願慢慢, 反正都唔會有好多日係度返工, 過一日就無一日, 本來今日想找starbucks, 點知無開, 哂左半個鐘的break的15分鐘, 之後又要死死氣去番大家樂, 個staff認得我, 知我要齋啡, 問我點解排排下隊走左, 唔通我話我去左starbucks, 不過無開所以行番回來咩?

成日都覺得高林的轉數好低, 因為佢做野好慢, 同埋佢做既野都幾難令我明白, 好似係training的時候, 佢會係咁抄notes, 都唔知抄黎做咩?成日都會笑佢唔係抄左就得, 要用腦去記, 例如點解要拎禁區通行證入禁區? 佢就答唔出, 但係我就答到, 因為根據機管局附例第四條任何人進人禁區, 都必須配帶禁區通行證,并掛在當眼處, 其實日常應用的都不外乎幾條, 唔通背哂咩, 就算係執法者都唔會記哂啦, 你是但問一個警察都唔知警例第幾多幾多條係咩?

但係今日佢幫我剪頭髮個時, 我覺得佢應該係做salon stylist, 但係佢就無興趣....我覺得我自己都好鐘意佢剪的頭髮, 佢都應該做一份自己鐘意的工作~~

今晚一齊食飯, 但係就係無酒, 因為高林聽日要返工, 如果唔係就可以酒逢知已千杯少?但係食完飯, 真係好累好累, 送左瑜返屋企之後搭車都唔可以訓, 因為一訓一定過龍, 到時仲煩...一返到屋企, 洗白白都可以訓著....仲要係企缸, 企係度都可以訓....無奈....