本來今日約左瑜去踐單車, 不過等左好耐好耐....以為佢未起身, 等到4點幾鐘打俾佢, 先知佢傳左信息俾我, 不過我真係無收到, 唔知係唔係真係咁黑仔呢, 兩個都以為對方未起身, 唉, 睇戲睇左好多都係大家以為而浪費左好多的時間....

晚上去左珀麗灣, 呢個小島我唔係第一次去, 不過我上次去個陣佢仲係一個咩都未有的地方, 只係一個地盤, 但係最近返機場的時候, 成日都見到呢個島仔, 同埋前排睇最美麗的第七天的時候, 覺得呢個地方好靚, 好想去呢個地方睇下同電視播的同唔同....結果係?!!

又中左招啦, 得一條200米長的街有商店, 其他地方都係業主先可以入去的地方, 商業成份勁高, 唉~不過瑜好似好鐘意呢個地方, 或者係對海, 同埋對住青馬橋, 講真, 我就真係無咩興趣, 孤伶伶一個地方, 夜晚想出去玩又要搭車出市區, 自己都唔可以開車入到黎...真係麻煩...但係有樣野真係幾好, 就係建築風格, 真係幾浪漫.....但係對我地呢d實際既人, 好似有點多餘....偶而浪漫, 都係一個不錯的地方....