媽咪成日同我講, 係屋企你就俾人如珠如寶咁錫, 都唔明你點解要傷害自己, 出去俾人玩完一次又一次....表面上媽咪每次見我出去同女仔行街, 都係咁使錢, 都唔儲錢, 所以媽咪好擔心我同將來個個(我的太太)會因為我去玩, 而無錢用係屋企到, 其實我覺得依家的經濟講真如果要我照顧一個家庭, 錢唔係問題,反而係時間...因為依家有錢, 都唔代表將來有錢, 所以我要學識有計劃咁使錢....

同瑜去過幾次街, 都無咩點使錢,或者可以用window shopping來形容, 齋睇都無咩點買野, 因為自從上次同端分開之後, 我有一次大大的覺悟, 就係要儲錢....如果無咩必要, 都盡量唔好使錢...因為男人的價值就係在於佢有幾多錢...錢可以彌補男人好多的先天不足,好似係風度啦,內涵咁!

今日發現一個驚人的問題...我原來有語病...即係唔知點同人溝通,唔知係唔係係對電腦對得多, 同你講野之前有考慮...想清楚先答,不過面對面的時候, 原來有好多人唔明我講咩...不過我朋友好俾面我咁講, 係你講左個結果, 不過無講過程..兄弟會明白你的....唉....或者係依家知道每一句都有人會跟進,每一句自己都要負責任, 原來做人依家好似俾口供咁....唔可以玩玩下...

人生...就係咁...