今晚試左整兩個之前未整過既新菜色　－　薑蛋、蒜蓉芝士牛油焗大蝦

兩個名聽起黎係咪好似好複雜呢？但原來係一D都唔難整架喎。而且味道仲好好架！

但因為今晚掛住整，唔記得左影相，所以放唔到上黎俾大家睇我既製成品。

而我最近仲學識左點整馬豆糕喎，但呢個我就仲未真正試過整，唔知成唔成功架。等我下次試左整，再同大家分享啦！

哈哈，近日發覺，原來自己對整野食都幾有興趣喎。但我自己唔算係一個太鍾意食野既人，但對整野食就有興趣，而且有時仲好鍾意自己創作新款。

有時諗，如果第時有機會做一個教人整野食既節目，又或者業餘時間可以搞一D關於整野食既工作都幾好丫。