係巴士上層, 習慣無聊時會週圍望, 去到旺角中心時..偶然向下一望, 看到一個小女子挽著一個小童, 個小童扒係佢身上訓覺, 而個小女子本能地向後拗腰, 好似隨時跌咁, 而且比例上又有不正常, 感覺上..真係等佢非常辛苦架。

再望清楚一點, 發覺這名小女子身邊有位男仕, 他是站著但沒有幫忙, 心裡暗暗地說 : 有無搞錯? 一d 都唔幫手！(雖然我知道在未了解清楚事件的來龍去脈之前, 係唔應該咁樣諗人地架, 但感同身受, 我直覺上覺得男人應該要幫手嘛....) 心裡暗鬧之際, 忽然間諗起我身邊有位朋友跟他們好相似, 都是小女子撐起一片天的...哈！