你每一次返工,我都希望能同你一齊,
有粗重野我可以第一時間幫你,
每一次收工,都想同你一齊換衫,
不過每一次你都選擇同你朋友一齊,

有一次放工,當我以為你仍然選擇同朋友一齊時,
你突然主動問我"你係唔係都搞掂?"
我點頭回應你
"咁我同你一齊去換衫~"
個一刻真係好似中獎一樣~

之後我同你換完後,仲同你一齊上返去B2,
當我見到你係另一出口走時,
我即去第二個出口等你,

當到拍卡門口,我都希望能見多你一眼,
正正點火一刻,你就搶去我口中的煙,
這刻我見到你,不禁笑一笑
"你去邊度搭車?"著急地問你
當你答"旺角,咁你呢?"
我好"自然"都答你"咁一齊啊~"

其實...我只希望每一次都能你一齊,
即使搭既車係相反方向,我都只係想係你身邊,

因為依家既我,一定不能你一齊,
所以我希望能珍惜同你一齊既時光...