我都好耐冇更新日誌。。。

因為開始有寫日記習慣，最近先回想返我有用日誌，

但睇返最後一篇原來已經有五年。。。

五年後既我。。。仍然好失落，

對好多事情不滿，不過脾氣都冇以前咁火爆，

而後仍然繼續單身。

 我搵返到一份新工作,但唔係文職既工.
仍然係飲食業,只係輕鬆D在會所做

一直都認為轉做文職會改到我生活,
但都會因冇呢行既經驗和學歷而俾人拒絕....
相反依家地,有更不同餐飲想我做,

這就係現實,有經驗和學歷先可以優勝...

我都好慶幸都有朋友介紹呢份工俾我,
依家同佢仲做埋同事,有野都可以同佢商量。



 

 我自私辭職離開我的公司,
是因為為了我的前途而決定,

我自私地只做"她"的好友,
是因為想可以分擔痈苦,

而當朋友問"點解只想我地有拍拖?而你唔去搵?"
我只笑一笑當作回應﹒。

其實我就係一個好簡單的人,
只要見到我朋友搵到有一個會保護佢地的人,
咁我就已經好開心,

但如果佢地未搵到,咁就由我保護,
我就是好自私只為我身邊的人得到幸福就夠,
而我望見佢地幸福笑容已經是一個回報。

以上,就是我自私想法
 

 我終於可以離開公司,
不過...總會有捨不得,

因為係呢一度,有好多回憶,
記得第一次入黎既時候,
係咩都唔識既靚妹仔,但都有人會教我,
大家熟識左都會有傾有講~

但當一年一年慢慢過,
我識既同事都唔係度做,只剩下兩三個我識,
有時都變的冇意思....

直到正式轉倣做長工後,
原來我有好多野都唔識,都要重新學過,
當然我都被罵過....

經過一年後,我都成長,
有D事情變的執著,會發脾氣,
縱使我變成咁,師姐以及其他師弟妹,
會理解我而原諒對佢地既發火,

當然有一個人我更加捨不得,
就是我同事—Annie,
雖然我同佢工作上會罵架,但大家都明白自己難處而和好,
而倒數呢幾日都約我食宵夜,話想珍惜時間,
咁我同佢都有一樣既想法,

但有一晚,佢飲醉左,
起初我只想可以安全送佢搭車回家,
點知在途中,佢講真心話俾我聽,
一路送時一路話我知,
當佢講完佢要講既野後,佢突然無力氣就講
"對唔住"
我個刻好想喊,但我忍住,

到送了左佢上小巴後,
我終於喊左出黎,
因為我冇諗過只認識左一年既朋友,
會一直關心我,支持我,幫助我,
佢有好野都會同我分享既人

終於我遇到一個可以交心既好友

4月份我同媽媽去日本,
去完當然要派手信,
但我都只買左三人的手信,
一個係我讀酒店識,一個係我中學好姐妹,最後一個係返工識既女仔
我同佢地都5月頭見哂面, 最深刻係最後個兩個人,
因為...兩個人我暗戀過,

中學好姐妹,同佢識左有10年,我地友情都好好,
個一晚我地交換手信,而且佢仲要請我食飯加蛋糕,
係我最窩心美滿既一晚。

我鍾意既女仔,識佢應該有一年幾左右,
個日我岩岩放假,就等佢放學,
大家見面後就不斷傾計,由3:00幾傾到7:30左右就食飯,
大家就傾大家既狀況,互相傾秘密,
個一晚我, 我最開心能將距離拉近,

之後都有兩個小師妹約我食宵夜,
佢地都知道我唔做, 就慶祝我終於可以離開~~
個一晚笑聲不盡~

其實...每一個聚會我都覺得好幸福,因為有你地。