2014年,我係做野既地方已經做左一年,
認識唔同既朋友~都開心認識左一位日本朋友~
之後我仲要多謝一直都包容我脾氣既朋友~
能夠同我一齊玩,我真係好開心~

同時係最接近12月尾左右,能同佢一齊過,
我都心滿意足~~

希望2015年,繼續同佢地一齊開心渡過~~
再創造更加多回憶~
都希望同佢有更多快樂~~

12月27日夜晚,
副經理阿頌約哂一班炒散加幾個長工去食~~

當晚我好開心可以同我鍾意既女生去食宵夜~~
有少少雨落,佢就遮埋我~
我同佢一齊行傾左好多野~

行到目的地,我地就一齊上去,
食幾次都未一齊坐過,點知...
佢邀請我同佢一齊坐~~當然即刻同佢坐~~
之後慢慢其他人都到齊~
就大家開始飲酒~

有個男炒散Ivan同我飲一杯先,
佢就再叫個女生飲一杯,
未到個陣,佢有同我講佢未想飲酒,
我就同佢講唔好飲,
點知佢就同返Ivan講,[心心叫我唔好飲]
聽到呢句我個心不斷跳,

但真係人齊時,因為有兩張枱,
其中有一張比較小,所以只得阿頌同部長坐,
部長就叫我一定要坐個邊,我唔想個去坐,
因為難得可以同佢一齊坐...

最終都逼迫分開....
但我都留下左難忘回憶~~~開心既一晚~~~~

今日返工,我照平時咁返去到加睇更表,
睇到更表有一件有趣既事,
竟然得我一個人返早?!

長工侍應有4個,其中一個因有事返鄉下要放大假,
而其餘兩個就返12:00PM同12:30PM....
正常應該兩個返早....
再一個有趣...經理話部長岩岩先起身要遲少少,
經理就問仲有邊個長工返....
我話冇後,佢就好大反應[下?!點解得你一個人返??]


可笑係...副經理編更,編完就經理睇下有冇問題先出,
冇就出得更表俾員工睇....
算....就當我黑仔...快速去開檔同搞布草...

不過有一個長工遇12:00AM就生日,
係公司同佢遇生日~都一個Happy Ending~~~

平安夜快樂~~~

如果以我返工返一年黎講,
打破左放假放得最少既月份....


有次我某一晚放工,望自已隻右手,
發現好多傷痕/瘀傷,
連自己幾時整到都唔知到...

但都習慣左,就算整傷左自己,
都唔會去注意,
而係繼續去完成工作,

不過可能真係關少假期,
變左我少用錢,
令我有足夠既錢去還下期既錢,


咁...應該係好事定壞事?